कांग्रेसद्वारा प्रधानमन्त्रीको स्वास्थ्यलाभको कामना

१९ फागुन काठमाडौं । प्रमुख प्रतिपक्षी दल नेपाली कांग्रेसका सभापति शेरबहादुर देउवाले प्रधानमन्त्री केपी शर्मा ओलीको शीघ्र स्वास्थ्यलाभको कामना गरेका छन् ।

सभापति देउवाले मिर्गौला पुनःप्रत्यारोपणका लागि आज त्रिभुवन विश्वविद्यालय शिक्षण अस्पताल महाराजगञ्जमा भर्ना भएका प्रधानमन्त्री ओलीको स्वास्थ्यलाभको कामना गरेका हुन् ।

“प्रधानमन्त्री एवं मेरा मित्र केपी शर्मा ओलीजीको मिर्गौलाको सफल प्रत्यारोपणको शुभकामना व्यक्त गर्दै शीघ्र स्वास्थ्यलाभको कामना गर्दछु”, सभापति देउवाले उल्लेख गरेका छन् । यसैगरी कांग्रेस वरिष्ठ नेता रामचन्द्र पौडेलले पनि प्रधानमन्त्री ओलीको शीघ्र स्वास्थ्यलाभको कामना गरेका छन् ।