विश्व स्वास्थ्य सङ्गठन भन्छ, नेपाल कोरोनाको उच्च जोखिममा !
नेपालबहस संवाददाता
फागुन २०, २०७६ मंगलबार १२:४१:३१
२० फागुन काठमाडौं । सरकारले अत्यावश्यक काममा बाहेक विदेश नजान सम्पूर्ण नेपालीलाई आग्रह गरेको छ ।कोभिड–१९ का कारण विश्व स्वास्थ्य सङ्गठनले नेपाललाई उच्च जोखिमयुक्त मुलुकमा सूचीकृत गरेपछि सरकारले विशेष पूर्वसावधानी अपनाउन आह्वान गर्दै त्यस्तो आग्रह गरेको हो ।
अत्यावश्यक काममा बाहेक, अध्ययन, घुमफिर एवं मनोरञ्जन भ्रमणका लागि विदेश नजान अनुरोध गर्दै सरकारले विदेश जान चाहने विद्यार्थीहरुलाई हाललाई स्वीकृतिपत्र जारी नगर्ने, वैदेशिक रोजगारीमा जानेका लागि पनि अत्यावश्यक अवस्थाबाहेक नजान अपिल गरेको छ ।
त्यसैगरी विवाह, ब्रतबन्धलगायत सामाजिक संस्कारलाई पारिवारिक जमघटमा सीमित राख्न, सभा, सम्मेलन नगर्न, भीडभाडमा नबस्न, लामो समय बाहिर नहिँड्न, सुरक्षा मास्क तथा सम्पूर्ण पूर्वसावधानी र सतर्कता अपनाउन आम नागरिकमा सरकारले अनुरोध गरेको छ । साथै सरकारले सार्वजनिक स्थानमा भीडभाड कम गर्न आग्रह गरेको छ भने आआफ्नो तहबाट सुरक्षाका सबै उपाय अपनाउन र सचेत रहन आग्रह गरेको छ ।
उपप्रधानमन्त्री एवं रक्षामन्त्री ईश्वर पोखरेलको संयोजकत्वमा उच्चस्तरीय कार्यदल गठन भएको र त्यसले सक्रियताका साथ पूर्वतयारी, आपत्कालीन अवस्था उत्पन्न भएमा गर्नुपर्ने व्यवस्थापकीय कार्यलगायतको विश्लेषण, मूल्याङ्कन र भावी रणनीतिबारे सम्बन्धित निकायसँग समन्वय गरिरहेको परराष्ट्रमन्त्री प्रदीपकुमार ज्ञवालीले बताए ।
विश्वस्तरको संवादमञ्च सगरमाथा संवाद कार्यक्रम स्थगन भएको जानकारी दिन आज अपराह्न आफ्नै मन्त्रालयमा गरेको पत्रकार सम्मेलनमा सञ्चारकर्मीका विविध जिज्ञासाको जवाफ दिने क्रममा कोरोनाबाट बच्न सरकारीस्तरबाट भएका प्रयासबारे उनले जानकारी दिए ।
परराष्ट्र मन्त्रीले खरिपाटीको क्वारेन्टाइनलाई नियमित गर्ने बताउँदै हाललाई कम्तिमा १०० श्याको ‘आइसोलेसन बार्ड’ को प्रबन्ध मिलाइएको तथा आपत्कालीन अवस्थामा सबै अस्पताललाई तयारी हालतमा रहन आग्रह गरिएको जानकारी पनि उनले दिए । विदेशबाट आउनेहरुलाई क्वारेन्टाइनमा राख्नुपर्ने परिस्थिति उत्पन्न भएमा भक्तपुरको खरिपाटीस्थित क्वारेन्टाइनलाई नियमित गर्ने तथा काठमाडौं उपत्यका तथा प्रदेशमा रहेका सरकारी–निजी अस्पताल, स्वास्थ्य सेवा प्रदायक संस्थाहरूलाई ‘ आइसोलेसन वार्ड’ को प्रबन्ध मिलाउन र तयारी अवस्थामा रहन निर्देशन सरकारले दिएको छ ।
त्यसैगरी विदेशस्थित ३० वटा नेपाली दूतावास, राष्ट्रसङ्घका लागि तीनवटा नियोग र छ वटा महावाणिज्य दूतावासलाई सतर्क रहन र उद्धार एवं समन्वयका लागि अहोरात्र खट्ने गरी प्रबन्ध मिलाउन निर्देशन दिइएको परराष्ट्रमन्त्री ज्ञवालीले बताए ।
दुबइबाट तीस नेपाली फर्काइए
विश्वभर कोरोना भाइरसको त्रास बढ्न थालेपछि बहराइन जान लागेका ३० जना नेपालीलाई संयुक्त अरब इमिरेट्सको दुबइबाट त्यहाँका अध्यागमन अधिकारीले फर्काएको उनले बताए । कोरोनाको उच्च जोखिम रहेको नेपालबाट गएका उनीहरूलाई पूर्व सावधानीस्वरुप त्यहाँको सरकारले फर्काएको हुनसक्ने उनले बताए ।
आगमन प्रवेशाज्ञा नदिइने
विश्वका विभिन्न देशमा कोरोना भाइरसको जोखिम बढिरहेका बेला सङ्क्रमण देखिएका देशबाट नेपाल आउने पर्यटकलाई ‘अनअराइभल भिसा’ जारी नगर्ने निर्णय पनि सरकारले गरेको छ । यही फागुन २७ गतेदेखि उक्त निर्णय लागू हुने परराष्ट्रमन्त्री ज्ञवालीले बताए ।
चीनका लागि राजदूत सिफारिस
मन्त्रिपरिषद्को आइतबारको बैठकले चीनका लागि नेपाली राजदूतमा पूर्वपरराष्ट्रमन्त्री महेन्द्रबहादुर पाण्डेलाई सिफारिस गर्ने निर्णय गरेको जानकारी दिँदै राजदूत रिक्त रहेका अन्य देशमा अब हुने मन्त्रिपरिषद् बैठकले निर्णय गर्ने बताए ।
पूर्व प्रशासकभन्दा उच्च राजनीतिकस्तरमा भएको यो सिफारिसलाई अन्यथा लिन नहुने भन्दै उनले चीनसँगको सम्बन्धलाई थप उचाइमा पु¥याउन राजनीतिकतहको उच्च व्यक्तित्वको सिफारिसबाट बल पुग्ने भएकाले पूर्वमन्त्री पाण्डेलाई सिफारिस गरिएको उनले स्पष्ट गरे ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपरुसद्वारा पोल्याण्डका नेटो आणविक केन्द्रहरू सैन्य लक्ष्य बन्न सक्ने चेतावनी
बैशाख १३, २०८१ बिहिबार
केन्यामा बाढीका कारण ३८ जनाको मृत्यु
बैशाख १३, २०८१ बिहिबार
चुनावी र्यालीमा बेहोस भएपछि भारतीय मन्त्रीद्वारा गर्मीलाई दोष
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
भोलिदेखि कक्षा १२ को परीक्षा : तीन लाख ९० हजार आठ सय ४७ परीक्षार्थी सहभागी हुँदै
बैशाख १३, २०८१ बिहिबार
२७ करोड बढीको मुद्दामा विशेषले दियो सबैलाई सफाइ
बैशाख १३, २०८१ बिहिबार
पूर्वमन्त्री आलमसहित चार जनालाई जन्मकैदको फैसला
बैशाख १३, २०८१ बिहिबार
म्याग्दीमा पुख्र्यौली नाच प्रतियोगिता सुरु
बैशाख १३, २०८१ बिहिबार
योजना कार्यान्वयनका लागि रूपान्तरणका क्षेत्र पहिचान गरिएको छ : प्रधानमन्त्री प्रचण्ड
बैशाख १३, २०८१ बिहिबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार