सिस्टममा आएको समस्यापछि खुलेको बजारमा आयो उछाल

२० फागुन, काठमाडौं । ब्रोकरको डाटा सेन्टरमा समस्या आएपछि शेयर बजारमा करिब ५० मिनेट कारोबार बन्द भएको छ । अहिले भने बजार सुचारु भइसकेको छ । शेयर कारोबारमा समस्या देखिएपछि लगानीकर्ताहरु आक्रोशित बनेका छन् ।

उनीहरुले नेप्से, सिडिएससी र ब्रोकरहरुले तत्काल आफ्नो प्रविधिको क्षमता बढाउ माग गरेका छन् । तर यस सन्दर्भमा नेप्सेका प्रवक्ता मुराहरी पराजुलीले भने समस्या नेप्सेको सर्भरमा नभएको स्पष्ट पारेका छन् । उनले भने समस्या नेप्सेको कारणले आएको होइन । यो ब्रोकरहरुको डाटाबेसमा देखिएको समस्या हो । यसमा नेप्सेको सिस्टमसँग कुनै सम्बन्ध छैन ।

डाटा सेन्टरमा समस्या आएपछि सिस्टमले खरिदअडर्र र बिक्रीअडर्र नै लिन सकेको थिएन । सिस्टम सुचारु भएपछि भने बजार बढेको छ । २ बजेर ७ मिनेट जाँदा बजार १५३८ बिन्दूको नजिक छ । नेप्सेका अनुसार १२ बजेर ४१ मिनेट गएपछि काराेबारमा समस्या आएको थियो ।