शुरु भयो प्रम ओलीको शल्यक्रिया

२१ फाल्गुण, काठमाडौं । प्रधानमन्त्री केपी ओलीको मृगौलाको प्रत्यारोपण शुरु भएको छ । महाराजगञ्जस्थित त्रिभुवन विश्वविद्यालय, शिक्षण अस्पतालमा बिहान सवा १० बजेदेखि शल्यक्रिया शुरु भएको हो ।

अस्पतालका निर्देशक डा. प्रेमकृष्ण खड्काले पत्रकारहरुलाई दिएको जानकारी अनुसार, प्रधानमन्त्रीलाई शल्यक्रिया कक्षमा लैजानु अघि मृगौला दाता भनिएकी समीक्षा संग्रौलालाई भित्र राखिएको थियो ।

अप्रेशन गर्न हामीलाई करिब पाँच घण्टा लाग्ने अनुमान गरेका छौं भन्दै निर्देशक डा. खड्काले भने प्रधानमन्त्रीको उच्च मनोबल र सफलताको विगत रेसियो हेर्दा हप्ता दश दिनमा डिस्चार्ज गर्न सकिने विश्वास व्यक्त गरे ।

ओलीको १३ वर्ष अघि पनि भारतको एपोलो अस्पतालमा मृगौला प्रत्यारोपण गरिएको थियो । अस्पताल बाहिर प्रधानमन्त्री ओलीको स्वास्थलाभको कामना गर्दै सर्वसाधारणले व्यानर तथा प्लेकार्डसहित प्रदर्शनी गरेका छन् ।