पहिरो गएको आजको बजारमा के छन् सकारात्मक र नकारात्मक पक्ष, हेरौं बजार बिश्लेषण

२१ फागुन, काठमाडौं । पुनः नियुक्त भएर अर्थमन्त्रीले शपथ नखाँदै शेयरबजारमा भारी गिरावट आएको छ । अर्थमन्त्री डा. युवराज खतिवडा अर्थमन्त्रालयबाट बाहिरने संकेत मिलेपछि दिनहुँ रेकर्ड ब्रेक गर्दै बढेको (नेप्से) ले १६०० अंक काटेको थियो ।

साताको चौथो कारोवार दिन आज नेप्से परिसूचक ६८ दशमलव ४७ अंकले घटेको छ । दोश्रो बजार ४ दशमलव ५४ प्रतिशतले घट्दा २ अर्ब ९० करोड कारोवार भएको छ । नेप्से परिसूचक घट्दा कारोवार रकमपनि घट्नुलाई बजारमा प्यानिक केही कम भएको अनुमान लगाउन सकिन्छ । दोश्रो बजार १४४१ दशमलव २० को विन्दुमा बन्द भएको छ ।

हिजो र आजको  बजारको रोचक पक्ष के छ भने हिजोको बजारको न्यून विन्दु र आजको बजारको न्यून विन्दु १४३९ रहेको छ ।  यसले यो क्षेत्रमा मनोवैज्ञानिक टेवा रहेको छ भने बिश्लेषण गर्न सकिन्छ । 

त्यस्तै बजारको आजको प्रवृत्ति हेर्दा चाँही त्यति राम्रो मानिदैन । बजारले ११ बजेर ३ मिनेटमा १५१३ दशमलव ९४ को उच्च विन्दु समातेको थियो भने बजारले अन्तिम समय अर्थात २ बजेर ५२ मिनेटमा १४३९ दशमलव ५२ को न्यून विन्दु समातेको थियो । बजार बन्द हुँदा भने १४४१ दशमलव २० को विन्दुमा बन्द भएको छ । बजार ईण्ट्राडे लो नजिकै बन्द हुनुलाई सकारातमक पक्ष मानिदैन ।

लघुवित्त कम्पनीहरुले २० प्रतिशत भन्दा धेरै लाभांश प्रस्ताव गरेको अवस्थामा प्रस्तावित लाभांशको २५ प्रतिशत ग्राहक संरक्षण कोष र २५ प्रतिशत रकम सामाजिक उत्तरदायित्व कोषमा जम्मा गर्नुपर्ने नियम आए संगै लघुवित्त कम्पनीहरुमा दुई दिनदेखि बिक्री चाप आएको छ । आज लघुवित्त उपसुचकमा सर्वाधिक ६ दशमलव १६ प्रतिशतको सर्वाधिक गिरावट आएको छ । लघुवित्त मात्र नभएर आज सम्पूर्ण उपसुचकमा गिरावट आएको छ । बजारलाई ड्राईभ गर्ने वाणिज्य बैंक उपसुचकमा ४ दशमलव ५४ प्रतिशतको गिरावट आएको छ ।

हेरौं आज सर्वाधिक कारोवार हुने, कमाउने र गुमाउने कम्पनीहरु:

प्राविधिक बिश्लेषण :

पहिलो प्रतिरोध : १४८५ पहिलो टेवा : १४००

• यो साता शेयर बजार घट्दो प्रवृत्तिमा रहेको छ। आजको मैनबत्तीले “बियरिस मारुबोजु” चित्र बनाएको छ । यसले बजारमा विक्रीकर्ताको चाप रहेको र अर्को दिन पनि बजार घट्न सक्ने जानकारी गराउँदछ ।
• दैनिकी अवधिमा “आरएसआई” ५१ दशमलब ५२ को बिन्दुमा छ । यो अक्सिलेटरले बजारमा विक्रीकर्ताकोे चाप रहेको जानकारी गराएको छ ।
• “एडिएक्स” तथा जोड-बिजोड “डाइरेक्सनल इन्डेक्स”हरुले बजारमा हालसम्म विक्रेताको चाप रहेको जानकारी गरेको छ ।
• “अन ब्यालेन्स भल्यूम” र बजारको प्रवृत्तिले बजारमा मागभन्दा आपूर्ती बढ्न सक्ने जानकारी गराएको छ ।
• नेप्से बढेमा पहिलो प्रतिरोध १४८५ को क्षेत्रमा पाउने देखिन्छ र घटेमा पहिलो टेवा १४०० को क्षेत्रमा पाउने देखिन्छ ।