कोरोना भाइरसका कारण प्रेस यूनियनको महाधिवेशन स्थगित हुने संभावना
कुसुम सेञ्चुरी
फागुन २२, २०७६ बिहिबार १६:२८:१
२१ फागुन, काठमाडौं । चीनको वुहान शहरबाट शुरु भएको कोरोना भाइरसको विश्वव्यापी संक्रमणका कारण आगामी चैत्र २१ र २२ गते नेपालगञ्जमा हुन गईरहेको नेपाल प्रेस युनियनको नवौं महानिवेधन स्थगन हुने हो कि भन्ने आशंका उत्पन्न भएको छ ।
हिजो मात्र नेपाली कांग्रेसले एक विज्ञप्ति जारी गर्दै पार्टी र पार्टीसँग आबद्ध संस्थाका सबै तहका ठूला भेला, सम्मेलन र सभा अनिश्चितकालसम्म स्थगित गरेको घोषणा गरेपछि प्रेस युनियनको महाधिवेशन पनि स्थगन त हुँदैन भन्ने विभिन्न अडकलबाजी भैइरहेको छ । बुधबार साँझ नेपाली कांग्रेसका प्रवक्ता विश्वप्रकाश शर्माले कोरोना भाइरसको जोखिमलाई मध्यनजर गर्दै सभा सम्मेलन स्थगित गरिएको विज्ञप्ति जारी गरेपछि ६ बर्षको लामो अन्तरालमा हुन लागेको प्रेस युनियनको महाधिवेशन रोकिन्छ भन्ने आशंका हुनु स्वाभाविकै हो ।
विश्व स्वास्थ्य संगठनले गराएको सचेतना, नेपाल सरकारको आग्रह एवं जोखिमसँग राख्नुपर्ने सतर्कतालाई दृष्टिगत गरेर कांग्रेस पार्टी एवं पार्टीसँग आबद्ध संस्थाहरुका सबै तहका ठूला भेला, सम्मेलन र सभा लगायतका कार्यक्रम स्थगित गरेपछि नेपालबहस डटकमले नेपा प्रेस युनियनका अध्यक्ष बद्री सिग्देलसँग टेलिफोनमा कुराकानी गर्दा उनले महाधिवेशनको तयारी अन्तिम चरणमा पुगेकाले आज बिहीवार वा शुक्रबारसम्म प्रेस युनियनको तत्काल आकस्मिक बैठक बसेर स्थगन गर्ने कि के गर्ने भन्ने टुंग्रो लाग्ने बताए ।
यस्तै युनियनका महासचिव अजयबाबु सिवाकोटीसँग प्रतिक्रिया माग्दा अहिलेसम्म नेपालमा कोरोनाका कारण कसैको मृत्यु नभएको र संक्रमण पनि नभएकाले तत्काल रोक्नेपर्ने वा स्थगन गर्नुपर्ने वातावरण नभएको बताए । उनी भन्छन्, यदि महाधिवेशन तत्काल स्थगन गर्नुपर्ने अवस्था आएपछि काठमाडौंमै सार्ने कि वा के गर्ने भन्ने बारे युनियन पदाधिकारीसँग पार्टी नेतृत्वले छलफल गरेरै चाडै निष्कर्ष निकाल्ने बताए ।
यता नेपाल प्रेस युनियनको नेपालगन्जमा आगामी चैत २१ र २२ गते हुने महाधिवेशनको तयारी अन्तिम चरणमा पुगेको जनाइएको छ । करिब छ बर्षको अन्तरालपछि पटक पटक घोषणा हुँदै रोकिदै आएको प्रजातन्त्रवादी पत्रकारहरुको छाता संगठन नेपाल प्रेस यूनियनको यो पछिल्लो घोषणाले पत्रकारहरुमा उत्साहको संचार गराएको थियो । हरेक तीन तीन बर्षमा हुनुपर्ने यूनियनको महाधिवेशन यसपटक भने करिब ६ बर्षपछि हुन लागेको हो ।
नेपाल प्रेस युनियन नेपालका प्रजातन्त्रवादी पत्रकारहरुको साझा संगठन हो । स्थापनाकालदेखि नै यसले पत्रकारहरुको हकहितमा आवाज उठाउँदै आएको छ । २०४८ सालमा स्थापना भएको यो संगठन यतिखेर व्यवसायिक तथा पेशागत रुपमा स्थापित हुँदै आएको छ । यसको उत्पत्ती नै ट्रेड युनियनवादको अवधारणा अनुरुप भएको हो ।
कोरोना भाइरस चीनको बुहानबाट शुरु भएर बेइजिङ, मकाउ, ताइवान हुँदै तिर संसारभर फैलिदैछ । अमेरिका, अष्ट्रेलिया, यूरोप, थाइल्यान्ड, दक्षिण कोरियासम्म यसको आतंक छाएको छ । अहिले यो भाइरसका कारण त्रिभुवन अन्तर्राष्ट्रिय विभानस्थल लगायत विश्वभरकै विमानस्थलमा सावधानी अपनाउन थालिएको छ ।
यस भाइरसबाट विश्वभर मृत्यु हुनेको संख्या ३ हजार नाघेको छ । नेपालमा पनि यस भाइरसबाट बच्न उच्च सर्तकता अपनाइएको छ । कोरोना मान्छेबाट मान्छेमा सर्ने एक रहस्यमयी भाइरस हो । यो भाइरस गएको डिसेम्बरमा चीनमा पत्ता लागेको थियो । कोरोना भाइरस विभिन्न प्रकारका छन् । यसअघि ६ प्रकारको भाइरस मात्र मान्छेमा संक्रमण हुन्छ भनिन्थ्यो । अहिले भने त्यसभन्दा फरक नयाँ प्रकारको कोरोना भाइरस फैलिएको हो । यसले मान्छेमा संक्रमण गर्ने क्षमता अरु भाइरस भन्दा तीव्र एवं धेरै छ । स्वास्थ्य विशेषज्ञहरुले यो निकै भयानक रहेको बताउदै आईरहेका छन् ।
कुसुम सेञ्चुरी
नेपालबहस डटकमकी समाचार सम्पादक/ समाचार प्रमुख कुसुम सेञ्चुरी राजनीति तथा समसामयिक विषयवस्तुमा कलम चलाउँछिन् । फुलवारी एफएमदेखि रेडियो पत्रकारिता शूरु गरेकी कुसुमले रासस, रेडियो अन्नपूर्ण र देशान्तर एफएममा पनि काम गरेकी छन् । केही समय उनले नाइस टीभीमा समाचार प्रस्तोताको रुपमा पनि कुशलतापूर्वक जिम्मेवारी निभाएकी छन् ।
लेखकबाट थपयस्ता छन् बिहीबारको मन्त्रिपरिषद् बैठकको निर्णय
चैत १६, २०८० शुक्रबार
सर्वोच्चले गरिदियो कांग्रेस सांसद गुरुङको निलम्बन फुकुवा
चैत १६, २०८० शुक्रबार
मन्त्रीहरुलाई राष्ट्रिय सभामा उपस्थित हुन निर्देशन
चैत १६, २०८० शुक्रबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
उप निर्वाचनलक्षित एजेन्डा पास गर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
पृथ्वीबाट अचानक रक्सी पूरै गायब भयो भने के हुन्छ ?
चैत १६, २०८० शुक्रबार
यस्ता छन् बिहीबारको मन्त्रिपरिषद् बैठकको निर्णय
चैत १६, २०८० शुक्रबार
सेती नदीमा डुबेर डोटीमा एक किशोरको मृत्यु
चैत १६, २०८० शुक्रबार
कम्युनिष्टसँग सहकार्य गर्दा कांग्रेसले गुमाएको गौरव
चैत १६, २०८० शुक्रबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार