समता स्कुल र समता अस्पतालका सञ्चालक सन्जेलले पाँए सफाइ

२२ फागुन, काठमाडौं । समता अस्पताल र समता स्कुलका सञ्चालक उत्तम सन्जेललाई आत्महत्या दुरुत्सान मुद्दामा अदालतले सफाइ दिएको छ । काठमाडौं जिल्ला अदालतका न्यायाधीश कमलप्रसाद पोखरेलको एकल इजलासले अभियोगको दाबी नपुगेको भन्दै सफाइ दिएको हो ।

समता अस्पताल बौद्धमा कार्यरत रामेछाप दोरम्बाकी २७ वर्षीया विमला तामाङले आत्महत्या गरेपछि आठ महिनाअघि सन्जेल दम्पतीविरुद्ध आत्महत्या दुरुत्साहनको मुद्दा परेको थियो । तामाङले आत्महत्या गरेपछि उनका आफन्तहरुले समता अस्पतालमा तोडफोडसमेत गरेका थिए भने प्रहरीले सन्जेल दम्पतीलाई पक्राउ गरेको थियो ।

सन्जेल समता स्कुल र समता अस्पतालका सञ्चालक हुन् । समता स्कुलले नेपालभरका ६५ वटा विद्यालयमार्फत मासिक एक सय रुपैयाँमा शुल्कमा शिक्षा दिँदै आएको छ भने समता अस्पतालले पनि एक सय रुपैयाँमै स्वास्थ्य सेवा दिँदै आएको छ ।