सुन तोलामा ८० हजार सात सय रुपैयाँ

२२ फागुन काठमाडौं । सुनको मूल्य बिहीबार पनि उकालो लाग्ने क्रम जारी छ । आज सुनको मूल्यमा २ सय रुपैँया वृद्धि भएको छ ।

नेपाल सुनचाँदी व्यवसायी महासंघका अनुसार बिहीबार छापावाला सुनको मूल्य तोलामा दुई सय रुपैयाँले बढेर ८० हजार सात सय रुपैयाँ कायम भएको छ। बुधबार छापावाला सुनको मूल्य तोलामा ८० हजार पाँच सय रुपैयाँ थियो ।

तेजाबी सुनको मूल्य तोलामा पनि दुई सय रुपैयाँले बढेर ८० हजार चार सय रुपैयाँ कायम भएको छ। बुधबार तेजाबी सुनको मूल्य तोलामा ८० हजार दुई सय रुपैयाँ थियो । यस्तै चाँदीको मूल्य स्थिर भइ तोलामा आठ सय ८० रुपैयाँमा कारोबार कायम भएको छ।