अब पैसा जस्तै सुनलाई पनि निक्षेप राखेर ब्याज खान पाइने

२२ फागुन काठमाडौं । के तपाईलाई अब बैंकमा सुन राखेर ब्याज पाइने भन्दा अचम्म लाग्न सक्छ ? तर नेपाल राष्ट्र बैंकले एकीकृत निर्देशन २०७६ मा थप व्यवस्था गर्दै सुन राखेर ब्याज लिन पाइने व्यवस्था गरेको छ ।

तपाईले अब बैंक तथा वित्तीय संस्थामा सुनलाई पनि निक्षेप राखेर पैसा जस्तै अब ब्याज खान पाइने भएको छ । तर ब्याज पाउनका लागि न्यूनतम २५ ग्रामसम्म सुन बैंकमा नेपाल राष्ट्र बैंकले जनाएको छ । सुन निक्षेपको ब्याजदर बैंकले निर्धारण गर्न सक्नेछन् ।

बिहीबार परिपत्र जारी गर्दै बैंकहरुलाई कार्यविधि बनाएर सुन निक्षेपमा राख्न राष्ट्र बैंकले निर्देशन दिएको हो । चालु आर्थिक वर्षका लागि सरकारले बजेटमा नै नेपाली नागरिकले सम्पत्तिको रुपमा आर्जन गरेका सुन र चाँदीलगायत बहुमूल्य धातुहरु बैंकमा निक्षेपको रुपमा जम्मा गर्ने ब्यवस्था मिलाइने उल्लेख थियो ।

सरकारले ल्याएको योजना कार्यान्वयन गराउन राष्ट्र बैंकले बिहीबार परिपत्र जारी गरेको हो । तर यो सुविधा वाणिज्य बैंकहरुले मात्रै प्रदान गर्नसक्ने राष्ट्र बैंकले बताएको छ । सुन निक्षेपमा राख्न बैंकहरुले नीति तथा कार्यविधि बनाएर सञ्चालक समितिबाट पारित गराई लागू गर्नु पर्ने राष्ट्र बैंकले बताएको छ ।

बैंकमा सुन निक्षेपमा राख्ने नीति तथा कार्यविधि :