पैसा ठिक पार्नुस, नेपाल पुनर्बीमा कम्पनीको आईपीओ चैत्र ४ गते देखि

२२ फागुन, काठमाडौं । नेपाल पुनर्बीमा कम्पनीले यही चैत्र ४ गतेदेखि आईपीओ निष्काशन गर्ने भएको छ। एकसय रुपैयाँ अंकित मुल्यमा १ करोड ६० लाख कित्ता साधारण शेयर निष्काशन गर्न लागेकोमा ८ लाख कित्ता म्युचुअल फण्डलाई छुट्टाईएको छ ।

त्यस्तै ७३ हजार ५०० कित्ता शेयर कम्पनीका कर्मचारीहरुलाई छुट्टाईएकोमा सर्वसाधारणले भने १ करोड ५१ लाख २६ हजार ५०० कित्ताका लागि आवेदन दिन सक्नेछन् ।

यस आईपीओमा न्युनतम १० कित्ता देखि अधिकतम १० हजार कित्तासम्म आवेदन दिन सकिनेछ । लगानीकर्ताले चैत ७ गते भित्र आवेदन दिनुपर्ने छ तर सो समयमा सम्पूर्ण  कित्तामा आवेदन नपरेमा चैत १८ गतेसम्म आवेदन दिने समय थपिने छ।