नेपाल चेम्बर अफ कमर्सद्धारा सर्जिकल माक्स उत्पादन गर्न शुरु

२५ फागुन काठमाडौं । नेपाल चेम्बर अफ कमर्सले सर्जिकल माक्स उत्पादन गर्न शुरु गरेको छ । आइतबार बजारमा माक्सको अभाव भएपछि चेम्बर अफ कमर्सले आफै माक्स उत्पादन गर्ने निर्णय गरेर बिक्रि गर्न पनि शुरु गरेको चेम्वरका अध्यक्ष राजेशकाजी श्रेष्ठले जानकारी दिए ।

उनका अनुसार चेम्बरले दैनिक १५ हजार माक्स उत्पादन गर्नेछ । हाल विश्वभर कोरोना भाइरस ( कोभिड १९) को संक्रमण बढेसँगै माक्सको माग पनि बढेको भन्दै उनले उक्त माक्स नेपालमा नै खपत गर्ने र बढि भएमा विदेश पठाउने बताए ।

चेम्बरले व्यवसायी दिपक मलहोत्राको संयोजकत्वमा कोरोनाका कारण बजारमा उत्पन्न हुने समस्यामा सहयोग गर्न कमिटि नै गठन गरिसकेको छ । कमिटिले बजारमा माक्सको अभाव नहुने हिसावले माक्सको उत्पादन गर्नेगरि काम गर्ने श्रेष्ठले बताए ।

चेम्वरले अत्यावश्यक वस्तु अभाव हुन नदिन बजार अनुगमनलाई बढाउने जनाएको छ । आइतबार चेम्वरले उत्पादन गरेको माक्सका साथै अन्य सेनिटाइजर लगाएत स्वस्थ्य सम्बन्धी निकायलाई हस्तान्तरण पनि गरेको छ ।