नेपालसँग जाेडिएका नाका र विमानस्थलमा अझै सुरक्षा कडाइ गर्न सबै दल सहमत
नेपालबहस संवाददाता
फागुन २८, २०७६ बुधबार २३:५१:१२
२८ फागुन, काठमाडौं । प्रधानमन्त्री तथा मन्त्रीपरिषदको कार्यालय सिंहदरबारमा बसेको सर्वदलीय बैठक सकिएको छ । महामारीको रुपमा संसारभर फैलिएको कोरोना भाइरस (कोभेट १९) को नियन्त्रण सम्बन्धमा बैठक केन्द्रीत भएको थियो । दिउँसो १५ः२० देखि १७ः३० सम्म बसेको सो बैठकले देशभित्र बढ्नसक्ने कोरोना संक्रमण तथा नियन्त्रण सम्बन्धमा बैठकले साझा धारण बनाएको छ ।
रक्षामन्त्री ईश्वर पोख्रेलको अध्यक्षतामा बसेको सो बैठकमा नेकपाका अध्यक्ष पुस्पकमल दहाल प्रचण्ड, झलनाथ खनाल, माधवकुमार नेपाल, पुर्व मन्त्रीपरिषद्का अध्यक्ष खिलराज रेग्मी, नेपाली कांग्रेसका नेता गगन थापा, बालकृष्ण खाँड, समाजवादी पार्टीका नेता राजेन्द्र श्रेष्ठ, नेमकिपाका नेता प्रेम सुवाल, गृहमन्त्री राम बहादुर थापा, अर्थमन्त्री युवराज खतिवडा, पर्यटन मन्त्री योगेश भट्टराई, गिरिराजमणि पोख्रेल मुख्य सचिव लोकदर्शन रेग्मी तथा मन्त्रालयका सचिवहरु लगायत ३०–३५ जनाको उपस्तिथि रहेको थियो ।
बैठक पछि केही पत्रकारहरुसँग कुराकानी गर्दै स्वस्थ्यमन्त्री भानुभक्त ढकालले आजको बैठक उपलब्धिपूर्ण भएको प्रतिक्रिया दिए । कोभेट १९ उच्च स्तरिय समन्वय समितिले गरेको कामकार्वाही बारेमा सबै दलहरूका प्रतिनिधिहरुलाई जानकारी गराइएको उनले बताए । उनले सर्वदलीय बैठकमा कोरोनालाई कसरी नियन्त्रमा लिने रोकथामका उपाय के हुन सक्छ्न ? भन्ने बारेमा छलफलका साथै सुझावहरु लिनेकार्य भएको बताए । स्वास्थ्यमन्त्री ढकालले कोरोना रोकथाम र नियन्त्रणबारे कार्ययोजना पेश गरेका थिए ।
नेपाली कांग्रेसका नेता एवं पूर्व स्वास्थमन्त्री गगन थपाले एकिकृत सूचना सम्प्रेषण, हवाई मार्गबाट आउने अति संक्रमितहरुलाइ पुर्ण रुपमा बन्देज लगाउनु पर्ने, चेकजाँचको व्यवस्था राम्रोसँग मिलाउनु पर्ने र आवश्यकता भए थप्नुपर्ने, केन्द्र लगायत प्रदेश स्तरमासमेत रहेका अस्पतालहरुमा आईसीयू बेडहरुको संख्यामा वृद्धि गर्नु पर्ने र नेपाली सेनाको नेतुत्वमासमेत छाउनी स्थित अस्पतालमा क्वारेन्टाइनको ब्यवस्था गर्ने सकिने सुझाव दिएको बताए ।
कांग्रेस सांसद थापाले काेभेट १९ को असरका कारण आर्थिक क्षेत्रको सन्दर्भमा त्यत्रो ठूलो आत्तिनुपर्ने अवस्था नभएको बताए । तर पनि यसका प्रभावहरु देखिन थालेकोले भने सजग रहनुपर्ने बताए । उनले भने, ” केही दिनभित्रमा हामी केही नयाँ प्याकेज लिएर आउनेछौं । आज हामीले नाकामा चेक जाँचका लागि हस्पिटल बसेको सन्दर्भमा कुरा राखेका छाैँ । स्थलमार्गबाट नेपालकाे करिब–करिब एक सय २१ वटा नाकाहरुबाट आउजाउ भएकाे बताए तर अहिले ४१–४२ वटामा मात्रै चेकजाँचकाे व्यवस्था भएकाे बताए ।”
अर्काे प्रसंगमा उनले सरकारले गरेको आपुर्तीको व्यवस्था र अर्थतन्त्रमा देखिन सक्ने खतरातर्फ अर्थमन्त्री र अर्थमन्त्रालयले गरिरहको काम चित्तबुझ्दो नभएको बताए । बजारमा कोरोनाको कारण केही प्रभाव देखियता पनि अर्थमन्त्रीले नयाँ र आकर्षक प्याकेज ल्याउन नसकोको उनले आरोप लगाए ।
आज बसेकाे सर्वदलीय बैठकमा उपस्थित केही सांसदले भने काेराेना नियन्त्रणामा सरकारकाे आलाेचनात्मक समर्थन गर्दै नेपालसँग जाेडिएका नाका र विमानस्थलमा अझै सुरक्षा कडाइ गर्न सहमत भएका छन् । उनीहरूले संक्रमण फैलिहालेममा त्यसकाे व्यवस्थापनका लागि जतिसक्दाे चाँडाे क्वारेन्टाइनकाे व्यवस्था मिलाउनु पर्ने बताएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपयस्ता छन् बिहीबारको मन्त्रिपरिषद् बैठकको निर्णय
चैत १६, २०८० शुक्रबार
सर्वोच्चले गरिदियो कांग्रेस सांसद गुरुङको निलम्बन फुकुवा
चैत १६, २०८० शुक्रबार
मन्त्रीहरुलाई राष्ट्रिय सभामा उपस्थित हुन निर्देशन
चैत १६, २०८० शुक्रबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
उप निर्वाचनलक्षित एजेन्डा पास गर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
पृथ्वीबाट अचानक रक्सी पूरै गायब भयो भने के हुन्छ ?
चैत १६, २०८० शुक्रबार
यस्ता छन् बिहीबारको मन्त्रिपरिषद् बैठकको निर्णय
चैत १६, २०८० शुक्रबार
सेती नदीमा डुबेर डोटीमा एक किशोरको मृत्यु
चैत १६, २०८० शुक्रबार
कम्युनिष्टसँग सहकार्य गर्दा कांग्रेसले गुमाएको गौरव
चैत १६, २०८० शुक्रबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार