कोरोना भाईरसको कारण आइपिएल संकटमा

३० फागुन काठमाडौं । विश्वभर फैलि रहेको कोरोना भाईरसको कारण आगामी संस्करणको इन्डियन प्रिमियर लिग ‘आइपिएल’ संकटमा परेको छ । आइपिएल चैत १६ देखि २०७७ जेठ ११ गते सम्म भारतका विभिन्न सहरमा सञ्चालन हुने तय छ ।

भारत सरकारले वैशाख ३ गते सम्म सबै भिसा बन्द गरेसँगै अब सुरुवाती खेल विदेशी खेलाडी विनानै आइपिएल सञ्चालन गर्नुपर्ने अवस्था देखिएको छ । आइपिएल स्थगित नभएको खण्डमा सुरुवाती २० खेल विदेशी खेलाडी विनानै हुने छ । भारत सरकारको भिसा बन्द सँगै वैशाख ३ सम्म विदेशी खेलाडी भारत जान पाउने छैनन् । आइपिएलका ८ फ्रेन्चाइज टोलीबीच होम अवे मैदानमा गरि कुल ५६ खेल हुनेछ ।

आइपिएल २०२० तालिका अनुसार वैशाख ३ गते सम्म २० खेल हुने छन् । भारतीय क्रिकेट कन्ट्रोल बोर्ड ‘बिसिसिआई’ का अध्यक्ष सौरभ गांगुलीले आइपिएल कोरोना भाइरसको कारण नसर्ने बताउँदै आएका छन् । बिसिसिआईले स्थगित नगरे सुरुवाती २० खेल विदेशी खेलाडी विना नै हुने छ ।

भारतीय सञ्चार माध्यमले पनि विदेशी खेलाडीले वैशाख ३ गते पछि मात्र सहभागिता जनाउने छन् । आइपिएल दर्शक विना नै गराउने सम्भावना रहेको बताइएको छ । दर्शक विना खाली स्टेडियममा गराउने वा नगराउने भन्ने शनिबार आधिकारिक निर्णय आउने भारतीय सञ्चार माध्यमले जनाएका छन् ।

कोरोनाको बिषयमा बिसिसिआई भने हालसम्म कुनै आधिकारीक सुचना जारी गरेको छैन । भारतीय चर्चिच सञ्चार माध्यम हिन्दुस्थान टाइम्सका अनुसार भारतमा हालसम्म ७३ जनामा कोरोनाको संक्रमण देखिएको छ ।

विश्वभर १ लाख २६ हजार २ सय ७३ जनामा कोरोनाको सकंमण रहेको छ । कोरोनाको कारण विश्वभर ४ हजारको मृत्यु भई सकेको छ । गत डिसेम्बरमा चीनको हुबेई प्रान्तको वुहान सहरबाट फैलिएको कोरोना भाईरसले अहिले विश्वभर महामारीको रुप लिएको छ ।