क्षेत्रपाटी परिवार कल्याण केन्द्रमा निःशुल्क पुरुष बन्ध्याकरण सेवा पुनः शुरु
नेपालबहस संवाददाता
चैत १, २०७६ शनिबार १८:५८:४५
१ चैत्र, काठमाडौं । नेपालमा परिवार नियोजनको विकास र प्रवद्धर्नमा लामो इतिहास बोकेको क्षेत्रपाटी परिवार कल्याण केन्द्रले पुरुष बन्ध्याकरण सेवा पुनः सुरु गरेको छ । डा. जेस्मीन श्रेष्ठको नेतृत्वको टीमले बिहिबारदेखि सेवा शुरु गरेको हो । संस्था क्षेत्रपाटीस्थित आफ्नो पुरानो स्थानबाट डल्लु आवासको नयाँ भवनमा सरेपछि केहि समयको लागि सेवा बन्द भएको थियो ।
गत बिहिबार सेवा लिन लाएका सेवाग्राहीहरुले चिकित्सक तथा स्वास्थकर्मीहरुबाट परिवार नियोजन र पुरुष बन्ध्याकरण सम्बन्धि उचित परामर्श पाएको बताए । आफ्नो मनका भएका प्रश्नहरुका बारेका भरपर्दो सल्लाह सुझाव पाएर आपूmहरु निर्धक्क हुन सकेको उनीहरुले बताए ।
स्त्री तथा प्रसुती रोग विशेषज्ञ डा.जेस्मीन श्रेष्ठले सन्तानको इच्छा पुगिसकेका दम्पतिका लागि पुरुष बन्ध्याकरण अति प्रभावकारी र सुरक्षित विधि भएको बताइन् । यो विधिमा शुक्रकीट लैजाने नलिलाई बाँधेर काटिन्छ जसले गर्दा शुक्रकिट वीर्यमा मिसिन पाउँदैन । तर, यो विधि तुरुन्तै प्रभावकारी नहुने भएकोले ३ महिनासम्म कण्डमको प्रयोग गर्न वा अन्य प्रभावकारी साधन लिन जरुरी हुन्छ ।
डा. श्रेष्ठका अनुसार हाल क्षेत्रपाटीमा शुरु गरिएको सेवालाई नन– स्क्याल्पल भ्यासेक्टोमी (Non- scalpel vasectomy) भनिन्छ जसमा ब्लेडले नकाटी शल्यक्रिया गरिन्छ । यस विधिमा दुखेको कम गर्ने सुई लगाइन्छ र पुरुष होसमा नै हुन्छन् । शल्यक्रिया गरेको केहि समयमा नै सेवागाह्री घर जान सक्छन् ।
क्षेत्रपाटी परिवार कल्याण केन्दमा पुरुष बन्ध्याकरण बाहेक परिवार नियोजनका सम्पूर्ण अस्थाई साधनहरु पनि उपलब्ध भएको नर्सिङ् इन्चार्ज शान्ता घिमिरेले जानकारी दिएकी छन् । स्वास्थ्यकर्मीको परामर्शसहित पिल्स चक्की, तीन महिने सुई, पाखुरामा राखिने इम्प्लान्ट, पाठेघरमा राखिने कपर–टी आदि साधनहरुको लागि पनि सेवाग्राहीहरुको लागि क्षेत्रपाटी परिवार कल्याण केन्द्र भरपर्दो संस्था बनेको छ । राष्ट्रिय खोप तालिका अनुसार नवजात शिशुको लागि चाहिने सम्पूर्ण खोपहरु र गर्भवती आमालाई चाहिने आइरन चक्की, जुकाको औषधि र खोपहरु केन्द्रले निशुल्क प्रदान गर्दै आएको छ ।
गर्भवती महिलाको नियतिम जाँच तथा स्त्री रोग र प्रसुति, पाठेघरको मुखको क्यान्सरको लागि भि. आई. ए परिक्षण लगायत अन्य स्वास्थ्य सम्बन्धि समस्याहरूको लागि डा. श्रेष्ठको नेतृत्वमा डा. उदेश पाण्डेसहितको टीमले ओ. पि. डि सेवा, ल्याव, अल्ट्रासोनोग्राफी (भिडियो एस रे) जस्ता सेवा नियमित रुपमा सञ्चालन भइरहेकोले सम्पूर्ण सेवाहरुबाट फाइदा लिन डा. पाण्डेले आह्वान गरेका छन् ।
त्यस्तै स्वास्थ्यकर्मीहरुको सीप विकासको लागि परिवार नियोजन सम्बन्धि विभिन्न तालिमहरु पनि नियमित रुपमा यस संस्थामा सञ्चालन हुने गरेको छ । छिटै नै महिला बन्ध्याकरण सेवा पनि सुरु गर्ने तयारीमा रहेको जानकारी डा. श्रेष्ठले दिएकी छन् ।
हाल क्षेत्रपाटी परिवार कल्याण केन्द्रको नयाँ भवन डल्लु आवास क्षेत्रमा, डल्लु पुलबाट स्वयम्भुतर्पm जाने बाटोमा लगभग २०० मिटरको दुरीमा रहेको छ । सम्पर्कको लागि फोन नं ०१–४२७९९१८ रहेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्वास्थ्यमन्त्री यादवले एक तह मुनिका प्रमोदलाई बनाए राष्ट्रिय ट्रमा सेन्टरको मेसु
बैशाख ७, २०८१ शुक्रबार
दमौली अस्पतालमा १२ घण्टा ओपीडी सेवा सञ्चालन गर्ने
बैशाख ६, २०८१ बिहिबार
बेनी अस्पतालमा अर्थोपेडिक सेवा सुरु
बैशाख ३, २०८१ सोमबार
गोदावरी बैठक छाडेर घरमै आराम गरिरहेका छन ओली
नेपालबहस संवाददाता
बैशाख ९, २०८१ आइतबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
कतारका अमिरको नेपाल भ्रमणः सार्वजनिक विदामै अलमलियो मन्त्रिपरिषद
बैशाख १०, २०८१ सोमबार
इलाम उपनिर्वाचन, डरैडरमा उम्मेदवार
बैशाख ११, २०८१ मंगलबार
गाजाको अस्पताल परिसरमा दुईसय भन्दा बढीको शव भेटियो
बैशाख ११, २०८१ मंगलबार
नेपालले रुससँगको द्विपक्षीय सम्बन्धलाई सदुपयोग गर्न जरुरी छ : ढकाल
बैशाख ११, २०८१ मंगलबार
विपिन जोशीको रिहाईको पहल गरिदिन कतारी अमिरलाई राष्ट्रपति पौडेलको आग्रह
बैशाख ११, २०८१ मंगलबार
कुरास च्याम्पियनसिपका पदक विजेता खेलाडी स्वदेश फर्किए
बैशाख ११, २०८१ मंगलबार
लगानी सम्मेलनमा सोकेसमा राखिने परियोजनाको सूची स्वीकृत
बैशाख ११, २०८१ मंगलबार