स्विस फुटबलका अध्यक्ष ब्लाँचलाई कोरोनाको संक्रमण

३ चैत, काठमाडौं । स्विस फुटबल फेडेरेसनका अध्यक्ष डोमिनिक ब्लाँचलाई कोरोना भाईरसको संक्रमण देखिएको छ ।अध्यक्ष डोमिनिकले आफुलाई कोरोनाको संक्रमण देखिएको र अहिले आराम गरिरहेको बताएका छन् ।

७० वर्षीय अध्यक्ष डोमिनिकले आफुलाई घाँटी दुख्ने र खोक्नु परेको कारण क्वारेन्टाइनमा बसेको समेत बताएका छन् । तर,आफ्नो अवस्था अहिले सामान्य रहेको उनले बताएका छन् ।

कोरोनाको कारण स्विजरल्याण्डमा अहिले सम्पूर्ण खेलकुद गतिविधि बन्द गरिएको छ । स्विजरल्याण्डमा अहिले कोरोनाको संक्रमण २ हजार बढी पुगिसकेको छ ।