चार नम्बर प्रदेशको मुख्य नाका राम्दीमा हेल्थ डेस्कको स्थापना
नेपालबहस संवाददाता
चैत ३, २०७६ सोमबार २३:६:१५
३ चैत,गल्याङ । स्याङ्जाको गल्याङ नगरपालिका १ राम्दीमा कोरोना रोगबाट साबधानी अपनाउनका लागि हेल्थ डेस्क स्थापना गरिएको छ ।
भारत सहित पाँच नम्बर प्रदेशबाट भित्रिने यात्रुहरुको स्वास्थ्य परिक्षण गर्नका हेल्थ डेस्क स्थापना गरिएको हो । आइतबार हेल्थ डेस्कको उद्घाटनमा गल्याङ नगरपालिकाका प्रमुख भुपराज अधिकारीले विश्वव्यापी रुपमा फैलिएको कोरोनाबाट साबधानी अपनाउने क्रममा डेस्क स्थापना गरिएको बताए ।
उनले अहिलेसम्म नेपालमा कोरोनाको संक्रमण नदेखिएको भन्दै धेरै नआत्तिन र सचेत रहन आग्रह गरे । नगरप्रमुख अधिकारीले भने –‘कोरोनाको संक्रमणबाट बच्नका लागि साबधानी अपनाउन जरुरी छ तर आत्तिएर मात्रै हुँदैन ।’ कोरोनाको संक्रमण अन्त्य नभएसम्म हेल्थ डेस्क यथावत रहने जानकारी दिदै उनले त्यसका लागि आवश्यक सबै काम गर्ने बताए ।
नगरप्रमुख अधिकारीले ठूला सम्मेलन, भेला जस्ता धेरै जम्मा हुने कार्यक्रमहरु नगरपालिकाबाट रोकिएको बताए । उनले विवाह भोज जस्ता अन्य कार्यक्रमहरुमा पनि ठूला र धेरै व्यक्तिहरु जम्मा हुने खालका कार्यक्रमहरु नगर्न नगरबासीहरुलाई आग्रह गरे । गल्याङ नगरपालिका स्वास्थ्य शाखा प्रमुख लिला भण्डारीले हेल्थ डेस्कमा चेकअप पछि शंकास्पद देखिएमा पोखरामा रहेको आइसोलेसनमा पठाउने जानकारी दिए ।
उनले हेल्थ डेस्कमा खास गरी शंकास्पद व्यक्तिहरु र विदेशबाट आएका नागरिकहरुको स्वास्थ्य परिक्षण गरिने बताए । डेस्कमा नगरपालिकाबाट दुई जना स्वास्थ्य कर्मीसँगै कम्तिमा एक जना सुरक्षाकर्मी नियमित रुपमा रहने भण्डारीले जानकारी दिए ।
यसैवीच, कोरोना संक्रमणबाट साबधानी अपनाउन गल्याङ नगरपालिकाले विशेष कार्यक्रमहरु सञ्चालन गर्ने भएको छ । नगरबासीहरुलाई धेरै नआत्तिन र सचेत रहन आग्रह गर्दै नगरपालिकाले सचेतनामूलक कार्यक्रम सञ्चालन गर्ने भएको हो । आइतबार बसेको नगर कार्यपालिकाको बैठकले नगरप्रमुखको संयोजकत्वमा समन्वय समिति गठन पनि गरेको छ ।
साबधानी अपनाउनका लागि आवश्यक काम गर्न समिति गठन गरिएको हो । समितिले कसैमा कोरोना भाइरसको संक्रमण शंका लागेमा अस्पतालसम्म लैजाने देखि आवश्यक सबै खालको सहयोग गर्ने पनि निर्णय भएको छ । यसैगरी, ११ वटै वडाहरुमा वडाध्यक्षको संयोजकत्वमा कोरोना भाइरस सम्बन्धि जनचेतना जगाउने खालका कार्यक्रमहरु सञ्चालन गर्नका लागि समितिहरु गठन गरिने भएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनेपाल–चीन सहायता परियोजनाको पहिलो बैठक सम्पन्न
बैशाख १३, २०८१ बिहिबार
डढेलोले खोटाङमा तेह्र घर खरानी
बैशाख १३, २०८१ बिहिबार
८० वर्षको उमेरमा नागरिकता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
इलाम उपनिर्वाचनमा कांग्रेस
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
जाजरकोटका भूकम्पपीडित पत्रकारलाई काउन्सिलको निःशुल्क इन्टरनेट
बैशाख १३, २०८१ बिहिबार
दक्षिण कोरियाद्वारा पहिलो पृथ्वी नानोस्याटेलाइट प्रक्षेपण
बैशाख १३, २०८१ बिहिबार
सरकार विरोधी प्रदर्शनलाई समर्थन गर्ने इरानी र्यापरलाई मृत्युदण्ड
बैशाख १३, २०८१ बिहिबार
खोला किनारमा निर्माणाधीन बसपार्क
बैशाख १३, २०८१ बिहिबार
सुर्खेतमा राष्ट्रिय युवा वैज्ञानिक सम्मेलन हुने
बैशाख १३, २०८१ बिहिबार