तातोपानी सिसमजालाघाट र परिगाउँ बाङघाट नाका बन्द
नेपालबहस संवाददाता
चैत ३, २०७६ मंगलबार ०:१:९
३ चैत, डडेल्धुरा । पर्शुराम नगरपालिकाअन्तर्गतका तातोपानी सिसमजालाघाट र परिगाउँ बाङघाट नाका चैत ४ गतेदेखि अनिश्चितकालका लागि बन्द गर्ने निर्णय गरेको छ ।
स्वास्थ्य सतर्कतालाई ध्यानमा राख्दै नगरपालिकाले अर्को सूचना प्रकाशन नभएसम्मका लागि तारउतारघाट बन्द गरिएको पर्शुराम नगरपालिकाका प्रमुख प्रशासकीय अधिकृत तारानाथ पनेरुले बताएका छन् । उनेले भने, “हेल्थ डेस्क स्थापना भए पनि आवश्यक स्वास्थ्य सुरक्षाको अभाव देखिएकाले तत्कालका लागि नगरपालिकाअन्तर्गत रहेका दुई वटै नाका बन्द गर्ने निर्णय गरिएको हो।”
विश्वमा फैलिएको ‘कोभिड–१९’ को सङ्क्रमणलाई मध्यनजर गर्दै सूचना जारी गरी अनिश्चितकालका लागि पर्शुराम– ५ को बाङघाट र पर्शुराम– ६ को सिसमजालाघाट पूर्णरुपमा बन्द गरिने पर्शुराम नगरपालिकाका नगरप्रमुख भीमबहादुर साउदले बताएका छन् ।
उनले भने, “कोरोना सङ्क्रमित मानिस यो नाकाबाट आउनसक्ने भएकाले सतर्कताका लागि चैत ४ गतेदेखि केही समयका लागि तारउतारघाट बन्द गरिएको हो ।” पर्शुराम नगरपालिका, जिल्ला स्वास्थ्य कार्यालय र सरोकारवालाको संयुक्त अनुगमनपश्चात् नाका बन्द गर्ने निर्णय गरिएको नगरप्रमुख साउदले बताएका छन् ।
सिसमजाला घाट र बाङ्घाटबाट दैनिक १५० देखि २०० को हाराहारीमा मानिस नेपाल–भारत आवतजावत गर्ने भए पनि घाट बन्द भएपछि दैनिक उपभोग्यका सामानदेखि अन्य लत्ताकपडा र खाद्यान्य किनबेचमा समस्या आएको छ ।
सीमा नाका बन्द भएपछि पर्शुराम नगरपालिकाको सिसमजाला, सादनी, घुम्टेगडा, सिमलखेत, परिगाउँ, कटाल, जमरेनी, लामीगडा लगायतका बस्तीका मानिसलाई प्रत्यक्ष असर परेको स्थानीय हर्कबहादुर चन्दले बताएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपरुसी सेनामा २ सयभन्दा बढी नेपाली भर्ती
मंसिर २५, २०८० सोमबार
कीर्तिमानी सगरमाथा आरोही बुढालाई प्रधानमन्त्रीले दिए बधाई
जेठ ९, २०८० मंगलबार
सिर्सिया नदीको दुषित पानी बोकेर काठमाडौं आउँदै पीडित
जेठ ८, २०८० सोमबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
उप निर्वाचनलक्षित एजेन्डा पास गर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
सिराहामा बाहिरियो नेपाली विषयको प्रश्न पत्र
चैत १६, २०८० शुक्रबार
सेती नदीमा डुबेर डोटीमा एक किशोरको मृत्यु
चैत १६, २०८० शुक्रबार
कम्युनिष्टसँग सहकार्य गर्दा कांग्रेसले गुमाएको गौरव
चैत १६, २०८० शुक्रबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार
क्रिप्टो संस्थापक ब्याङ्म्यान–फ्राइडलाई २५ वर्ष जेल सजाय
चैत १६, २०८० शुक्रबार