पाटन दरबार क्षेत्रमा कोरोना प्रभावित देशका पर्यटकहरु निर्वाध घुम्दै

४ चैत्र, काठमाडौं । अचेल पाटन दरबार स्क्वायर वरपरका बासिन्दाहरु दिनरात आतंकमा बसिरहेका छन् । त्यो आतंक अरु कारणले नभई कोरोना प्रभावित देशबाट आएका विदेशी पर्यटकहरुका कारणले उत्पन्न भईरहेको उनीहरुले बताएका छन् ।

सोझै केही भन्न नमिले पनि विदेशी पर्यटक देखेपछि पाटनबासीहरु बाटो तर्किएर हिड्न थालेका छन् । पसलेहरु पनि सकेसम्म विदेशीहरु आफ्नो पसल वरपर नआईदिए हुँदो भन्ने त्रासमा बाँचिरहेका छन् । सबै देशहरुले विदेशी पर्यटकहरुलाई प्रतिबन्ध लगाई रहँदा पाटन दरबार क्षेत्रमा पर्यटकहरु हुलका हुल आउँदा सिँगो पाटन आतंकित भएको त्यस क्षेत्रका एक बासिन्दाले नेपालबहसलाई जानकारी गराएका छन् ।

केरा, पाउरोटी बोकेका, मास्क पनि नलगाएका पर्यटकहरु अचेल पाटन दरबार स्क्वायरमा छ्याप्छ्याप्ती देखिन थालेको उनीहरु बताउँछन् । तर सरकार भने यस विषयमा मौन धारण गरेर बसेको छ ।