कार्यालय र सार्वजनिकस्थलमा कोरोना सचेतता अपनाइँदै
नेपालबहस संवाददाता
चैत ७, २०७६ शुक्रबार १६:५८:२४
७ चैत, महोत्तरी । विश्वव्यापी सन्त्रास बनेको कोरोना भाइरस भित्रिन नदिन महोत्तरीका सार्वजनिकस्थलमा सचेतनाकक्ष सञ्चालनमा आएका छन् । जिल्लाका सबैजसो सरकारी, गैरसरकारी कार्यालय, अस्पताल, मन्दिर मस्जिदसहितका धार्मिकस्थल, स्थानीय तहका कार्यालय र सार्वजनिकचोकमा सचेतनाकक्ष सञ्चालन गरिएका छन् ।
जिल्लाका भारतीय सीमावर्ती मुख्यनाका मटिहानी र भिठ्ठामोरमा स्वास्थ्यकर्मी र उपकरणसहितको ‘हेल्थ डेस्क’ सञ्चालन गरिएको छ । यसबाहेक बाक्लो आवतजावत हुने खैरवनी, सम्सी, गैढाभेटपुर, पोखरभिण्डा, शिशवाकटैया, बथनाहा, मधवा, नैन्ही, मुसरपट्टी र पर्सापतैलीसहितका भारतसँग सीमा जोडिएका नाकामा स्वास्थ्य जाँच गर्ने, कोरोना भाइरस सङ्क्रमण हुन नदिन अपनाइनुपर्ने सचेततासम्बन्धी सल्लाह दिने गरिएको जिल्लाका प्रमुख जिल्ला अधिकारी सूर्यबहादुर खत्रीले जानकारी दिए ।
अहिले जिल्लाका सबै स्थानीय तहका कार्यालय र अन्य जनसरोकारका कार्यालयमा साबुनपानीले हातधुने व्यवस्था र कोरोना भाइरस सङ्क्रमण भित्रिन नदिन पु¥याउनपर्ने सचेततासम्बन्धी हातेपर्चा वितरण गर्न थालिएका छन् । यो कामलाई धार्मिकस्थल, बजारचोकसहितका सार्वजनिकस्थलमा विस्तार गरिँदै लगिएको जिल्ला प्रशासन कार्यालय महोत्तरीले जनाएको छ । पूर्वसचेतताकै लागि सीमा क्षेत्रमा हुने खुला आवतजावत नगर्न सजगता अपनाइएको छ ।
यसैगरी प्रदेश नं २ को प्रदेश स्वास्थ्य निर्देशनालयले प्रदेशभित्रका आठवटै जिल्लाका भारतीय सीमावर्ती नाकाका बाक्लो आवतजावत हुने ठाउँमा हेल्थ डेस्क सञ्चालनमा ल्याएको छ । यसक्रममा महोत्तरीबाहेकका धनुषाको जटही, सिरहाको माडर र ठाडी, सर्लाहीको सोनवर्षा, सप्तरीको कुनौली र छिन्नमस्ता, रौतहटको बैरगनियाँ एवं पर्साको वीरगञ्जस्थित नाकामा हेल्थ डेस्क सञ्चालनमा ल्याइएको प्रदेश स्वास्थ्य निर्देशनालयका वरिष्ठ स्वास्थ्य अधिकृत विजयकुमार झाले जानकारी दिए ।
त्यसैगरी प्रदेशभित्रका अस्पतालमध्ये जनकपुर प्रादेशिक अस्पताल र जानकी मेडिकल कलेज, वीरगञ्जस्थित नारायणी अस्पताल र नेशनल मेडिकल कलेज एवं सप्तरीको राजविराजस्थित गजेन्द्रनारायण सिंह सगरमाथा अस्पतालमा ‘आइसोलेसन वार्ड’को व्यवस्था गरिएको झाको भनाइ छ । प्र्रदेश स्वास्थ्य निर्देशनालय जनकपुरधामले मानिसको बढी जमघट हुने धार्मिकस्थल, बसपार्क र विमानस्थलमा पनि स्वास्थ्यकक्ष राख्ने निर्णय गरेको छ । भाइरस सङ्क्रमणको आशङ्का लागेका व्यक्तिका लागि क्वारेन्टाइन स्थापना गर्न ठाउँको खोजी भइरहेको निर्देशनालयले जनाएको छ ।
यसबाहेक कोरोना भाइरस रोकथामका लागि प्रदेशभित्र उच्चस्तरीय अनुगमन तथा तत्काल सहायताका लागि विज्ञ चिकित्सक, प्रदेशस्तरका विश्वस्वास्थ्य सङ्गठन, राष्ट्रसङ्घीय जनसङ्ख्या कोष र राष्ट्रसङ्घीय बालकोषसहितका संस्थाका प्रतिनिधिसम्मिलित समिति गठन गरेर काम अघि बढाइएको वरिष्ठ स्वास्थ्य अधिकृत झाले जानकारी दिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपडढेलोले म्याग्दीमा सात सय हेक्टर वन सखाप
बैशाख १२, २०८१ बुधबार
गोरखा भूकम्पको ९ वर्ष : विभिन्न सचेतनामूलक कार्यक्रम गरिँदै
बैशाख १२, २०८१ बुधबार
कतारका अमिर र प्रधानमन्त्री प्रचण्डबीच आज द्विपक्षीय भेटवार्ता
बैशाख १२, २०८१ बुधबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
इलाम उपनिर्वाचन, डरैडरमा उम्मेदवार
बैशाख ११, २०८१ मंगलबार
डढेलोले म्याग्दीमा सात सय हेक्टर वन सखाप
बैशाख १२, २०८१ बुधबार
गोरखा भूकम्पको ९ वर्ष : विभिन्न सचेतनामूलक कार्यक्रम गरिँदै
बैशाख १२, २०८१ बुधबार
एशियन च्याम्पियन्स लिगबाट बाहिरियो अल हिलाल
बैशाख १२, २०८१ बुधबार
स्वरोजगार प्रवर्द्धन गर्न युवालाई तालिम
बैशाख १२, २०८१ बुधबार
आइपिएलमा आज दिल्ली र गुजरातबीच खेल हुँदै
बैशाख १२, २०८१ बुधबार
चेन्नईमाथि लखनउको शानदार जित
बैशाख १२, २०८१ बुधबार