चैत्र मसान्तसम्मलाई कांग्रेसकाे क्रियाशिल सदस्यता वितरण र नविकरण स्थगन

८ चैत, काठमाडौं । नेपाली कांग्रेसका प्रवक्ता एवं सूचना, संचार एवं प्रचार विभाग प्रमुख विश्वप्रकाश शर्माले चैत्र मसान्तसम्मलाई कांग्रेसको क्रियाशिल सदस्यता वितरण तथा नविकरण स्थगित भएको बताएका छन् ।

प्राणघातक कोरोना भाइरसको जोखिम दृस्टिगत गरेर ठुला भेला र सम्मेलनहरु यसअघिनै स्थगित गरिएको भएपनि चौधौं महाधिवेशन तयारीसँग सम्बन्धित क्रियाशिल सदस्यता नवीकरण र वितरण एवं बाँकी समायोजन कार्य स्थगित भएको हो ।

विश्व्व्यापी रुपमा महाहारीको रुप लिएको भाइरसको जोखिमबाट थप सतर्कताका लागि चैत्र ९ देखि लागु हुनेगरि ती कार्य चैत मसान्तसम्मका लागि स्थगित गरिएको प्रवक्ता शर्माले जानकारी दिए । शनिबार प्रवक्ता शर्माद्धारा जारी गरिएको विज्ञिप्तमा शहरदेखि गाउँसम्म, गाउँको टोल हुँदै घरघरसम्म कोरोना सचेतना अभियानमा पार्टी पंक्तिको कृयाशिलता भने सतर्कतापुर्वक विविध ढंगले जारी रहने उल्लेख गरिएको छ ।

साथै उक्त विज्ञिप्तमा जिल्ला, क्षेत्र, गाउँ-नगर हुँदै टोल तहसम्म जोखिम सामना गर्ने रास्ट्रिय दायित्व निर्वाहमा नेपाली कांग्रेसको सम्बन्धित तहका साथीहरूले विभिन्न दल, समुदाय र स्वास्थकर्मिहरुसँग आवश्यक समन्वय, सहयोग र स्वयंसेवीको भुमिका निभाउन सबैमा अनुरोध गरिएको छ ।

विज्ञिप्तमा अगाडि भनिएको छ, सचेतना अभियानमा संचारका विविध माध्यमको प्रयोगमा तिब्रता दिइनेछ र स्थलगत सांगठनिक गतिविधि रोकिएको यो अवधिमा पनि मुलतः कोरोना सचेतना अभियानको आवश्यकता अनुसार नेपाली कांग्रेस केन्द्रीय कार्यालय खुला रहने छ ।