सबै भारतीय सीमा नाका सिल गर्न माग
नेपालबहस संवाददाता
चैत ९, २०७६ आइतबार १९:२१:३३
९ चैत्र, काठमाडौं । सरकारले कोराेना भाइरसको संभावित संक्रमणबाट जोगिन आजबाट अन्तर्राष्ट्रिय हवाई उडानसमेत रोक्ने निर्णय गरेपनि दक्षिणी छिमेकी भारतीय सीमा नाका व्यवस्थित गर्न नसक्दा ठूलो जोखिम देखिएको छ । भारतसँगको खुला सीमा हुँदा दुवै मुलुकका नागरिक आवातजावतमा कुनै अवरोध छैन ।
नेपालमा हालसम्म एकजनामा पनि कोरना भाइरस पुष्टी नभएपनि छिमेकी भारतमा भने तीनसय भन्दा बढी संक्रमित भैसकेका छन् । साथै ६ जनाको त मृत्यु नै भइसकेको छ । त्यसैले यस्तो संवेदनशील अवस्थामा समेत सरकारले ठोस निर्णय लिन नसक्दा कोरोनाको संभावित जोखिम चुलिएको छ । पश्चिम नेपालका सीमावर्ती क्षेत्रबाट अहिले धमाधम नेपालीहरु लर्को लागेर नेपाल पसिरहेका छन् । दुवै देशका नागरिक बिना रोकटोक निर्वाध आवतजावत गर्ने अवस्थाले भयावह अवस्था आउन सक्ने विज्ञहरुको भनाई छ ।
नागरिक समाजका अगुवा डी पी अर्याल भन्छन् – सबैभन्दा पहिला भारतीय सीमा सिल गरौं अनि अरु सतर्कता अपनाउनु बुद्धिमत्ता हो । हुनपनि अन्तराष्ट्रिय उडान मात्र रोकेर कोरोना भाइरस रोक्न मुश्किल छ । भारतमा बढिरहेको संक्रमणको सिधा असर नेपाललाई पर्नेछ – अर्याल भन्छन् । केही समयका लागि हामीले पूर्णरुपमा भारतीय सीमा सिल गर्नै पर्छ अनि मात्र जोगिन सकिन्छ – उनी भन्छन् ।
तर सरकारले भने यस्तो वातावरण बनाउन सकिरहेको छैन । परराष्ट्र मन्त्री प्रदीपकुमार ज्ञवालीले भारतीय समकक्षीसँग यसबारे छलफल गरेको तर ठोस उत्तर नपाएको बताएका छन् । अब भारतीय पक्षको उत्तर पर्खने बेला बाँकी छैन भन्दै अर्याल भन्छन् – आफ्नो सुरक्षा आफैं गर्ने हो ।
स्थानीय तहबाटै पनि यसको हल खोज्न सकिने अवस्था रहेको छ । आजै मात्र बाँकेको जमुनिहा नाका एक साताका लागि पूर्णत सिल गरिएको छ । दुवै देशका स्थानीय पदाधिकारीबीचको सहमति बमोजिम यस्तो निर्णय भएको हो । त्यही शैलीमा अन्यत्र पनि नेपालले सिल गर्न पहल थाल्नु पर्ने सुझाव नागरिक समाजका अगुवा अर्यालको रहेको छ । आज साँझ बस्ने भनिएको मन्त्रिपरिषद बैठकले एकपक्षीय रुपमै भएपनि यस्तो निर्णय लिनुपर्ने धारणा उनको रहेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबजेटबारे अर्थमन्त्रीलाई ७ पूर्वअर्थमन्त्रीको सुझाव, पपुष्लिट नभई यथार्थपरक बजेट ल्याउनुस्
बैशाख १३, २०८१ बिहिबार
लगानीको वातावरण बनाउन सरकारी नीतिले निरन्तरता पाउँछ : अर्थमन्त्री पुन
बैशाख १०, २०८१ सोमबार
अमेरिका नेपालसँग थप नजिक रहेर काम गर्न इच्छुक देखियो: अर्थमन्त्री पुन
बैशाख ८, २०८१ शनिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
इलाम उपनिर्वाचनमा कांग्रेस
बैशाख १२, २०८१ बुधबार
मन्त्रिपरिषदमा छिर्यो सहकारी ठगीको विषय
बैशाख १३, २०८१ बिहिबार
डढेलोले पाइप जल्यो, खानेपानीको समस्या
बैशाख १३, २०८१ बिहिबार
सडकको लम्बाई बढाएर ३८ लाख भ्रष्टाचार गरेको आरोपमा शाहीसहित ९ जनाविरुद्ध मुद्दा दायर
बैशाख १३, २०८१ बिहिबार
सडकमा पल्टिएको जीप
बैशाख १३, २०८१ बिहिबार
रुसद्वारा पोल्याण्डका नेटो आणविक केन्द्रहरू सैन्य लक्ष्य बन्न सक्ने चेतावनी
बैशाख १३, २०८१ बिहिबार