कैलालीको गोदावरीमा विस्फोट, एक जनाकाे मृत्यु

९ चैत्र, कैलाली । कैलालीको गोदावरी नगरपालिका–४, फुलबस्तीमा आइतबार विस्फोट भएको छ । घटनामा अन्दाजी ३५ वर्षीय नरबहादुर विकको मृत्यु भएको जिल्ला प्रहरी कार्यालय कैलालीले जनाएको छ ।

विष्फोट विकट क्षेत्र फुलबस्तीमा भएको कैलाली प्रहरी प्रमुख एसपी सुदीप गिरीले जानकारी दिए । एसपी गिरीका अनुसार अहिले घटनास्थलतर्फ प्रहरी टोली गएको छ । प्रहरीका अनुसार मृतकले तामाको वस्तु फेला पारेपछि पगाल्ने क्रममा पड्किएको थियो ।