आज पूर्वी पहाडमा मेघगर्जन र चट्याङ्गसहित वर्षा हुने

१० चैत्र, काठमाडौं । जल तथा मौसम पूर्वानुमान अनुसार देशभरको मौसम सामान्यदेखि आंशिक बदली हुने भएको छ ।पश्चिमी वायुको आंशिक प्रभाव तथा स्थानीय वायुको प्रभाव रहेकाले देशभरको मौसम बलदी भएको मौसमविदले बताएका छन्।

हाल देशको पूर्वी भू–भागमा सामान्य बदली रहेको छ भने मध्य र पश्चिमका पहाडी भेगमा आंशिक बदली भएको मौसमविदले जानकारी दिएका छन् । सोमबार दिउँसो पूर्वी पहाडी क्षेत्रमा आंशिकदेखि सामान्य बदली रही बाँकी भू–भागमा आंशिक बदली रहनेछ।

पूर्वी पहाडि क्षेत्रका थोरै स्थानमा मेघ गर्जन र चट्याङ्गसहित क्षणिक वर्षाको सम्भावना रहेको जनाइएको छ। राति पश्चिमी भू–भागमा सामान्य बदली रही बाँकी क्षेत्रमा आंशिक बदली हुने मौसमविदले बताएका छन्।

आगामी तीन दिनको मौसम पूर्वानुमान

चैत्र १० गते (सोमबार)

दिउँसोः पुर्वी पहाडी भू-भागमा आंसिक देखि सामान्य बदली रही बाँकी भू-भागमा आंशिक बदली  रहनेछ । पूर्वी  पहाडि  भू-भागका थोरै स्थानहरूमा मेघगर्जन/चट्याङ्गसहित क्षणिक वर्षाको सम्भावना रहेको छ ।

रातीः देशको पश्चिमि भू-भागमा सामान्य बदली रही बाँकी भू-भागमा आंशिक बदली रहनेछ ।

चैत्र ११ गते (मंगलबार)

दिउँसोः देशको पश्चिमि भू-भागमा सामान्य बदली रही बाँकी भू-भागमा आंशिक बदली रहनेछ । पश्चिमि पहाडि  भू-भागका थोरै स्थानहरूमा मेघगर्जन/चट्याङ्गसहित क्षणिक वर्षाको सम्भावना रहेको छ । पश्चिमि हिमाली भू-भागमा हल्का हिमपातको सम्भावना रहेको छ ।

रातीः देशको पश्चिमि भू-भागमा सामान्य बदली रही बाँकी भू-भागमा आंशिक बदली रहनेछ । देशको पश्चिमी  पहाडि भू-भागका १-२ स्थानमा मेघगर्जन/ चट्याङ्गसहित हल्का वर्षाको सम्भावना रहेको छ । पश्चिमि हिमाली भू-भागमा हल्का हिमपातको सम्भावना रहेको छ ।

चैत्र १२ गते (बुधबार)

दिउँसोः देशको पहाडी  भू-भागमा आँशिक बदली रही बाँकी भू-भागमा  सामान्यतया मौसम सफा  रहनेछ । पूर्वी र मध्य पहाडि  भू-भागका १-२ स्थानमा मेघगर्जन/चट्याङ्गसहित क्षणिक वर्षाको सम्भावना रहेको छ ।

रातीः देशको पहाडी भू-भागमा सामान्य बदली रही बाँकी भू-भागमा आंशिक बदली रहनेछ। पूर्वी र मध्य भू-भागका थोरै स्थानहरूमा मेघगर्जन/चट्याङ्गसहित क्षणिक वर्षाको सम्भावना रहेको छ । पूर्वी र मध्य  हिमाली भू-भागमा हल्का हिमपातको सम्भावना रहेको छ ।

आगामी २४ घण्टाका लागि चेतावनी तथा परामर्श 

अपरान्ह पश्चात विशेष गरी देशका पहाडी भू-भागमा सामान्य बदली भई मेघगर्जन/चट्याङ्गसहित क्षणिक वर्षाको  संभावना रहेकोले चट्याङ्गबाट जोगिन आवश्यक सतर्कता अपनाउन हुन अनुरोध छ।