प्रहरी र सरकारी वकिलको असहयोगले ल्याएको कोरोना संत्राश
नेपालबहस संवाददाता
चैत १०, २०७६ सोमबार २२:२६:२६
१० चैत्र, काठमाडौं । कोरोना भाइरसको संभावित संक्रमणबाट जोगिन सरकारले गम्भीर प्रकृतिका बाहेक सामान्य केसमा हाजिरी जमानी, साधारण तारेख वा धरौटीमा छोड्ने गरि महान्यायाधिवक्ताको कार्यालयले सरकारी वकिल र प्रहरीलाई गरेको परिपत्र प्रहरीले पालना नगर्दा काठमाडौंस्थित प्रहरीका विभिन्न कार्यालय र सरकारी वकिलको कार्यालयमा भीडभाड बढ्न थालेको छ । प्रहरीले यसलाई भने कमाउधन्धाको अस्त्र बनाएको आरोप लाग्न थालेको छ । अझ कैदी बन्दीको कसूरमा समेत मुद्धाको प्रकृति हेरी विभिन्न शर्तमा रिहा गर्ने गरी परिपत्र भैसकेको छ ।
गएको साता महान्यायाधिवक्ता अग्निप्रसाद खरेलले देशैभरिका कारागार र हिरासत कक्षमा रहेका बन्दीको चाप कम गर्न यस्तो सर्कुलर गरेका थिए । तर उपत्यकाका प्रहरी परिसर,वृत्त र प्रभागले ठगी, चेक बाउन्स तथा लेनदेन जस्ता साधारण केशमा समेत धमाधम मान्छे पक्राउ गरि सरकारी वकिल र अदालतमा मुद्धा पेश गरिरहेको छ । सरकारले नै अत्यावश्यक बाहेकका सरकारी कार्यालय र निजी प्रतिष्ठानहरु बन्द गरेको परिपेक्ष्यमा प्रहरी र सरकारी वकिलका हकमा भने उक्त सर्कुलर पत्रु कागजमा परिणत भएको छ ।
गम्भिर प्रकृतिका बाहेक सामान्य अपराधमा संलग्न व्यक्तिहरुलाई मुक्त गर्न सरकार लचक भैरहेको बेला काठमाडौं प्रहरी परिसर तथा मातहतका वृत्त र प्रभागमा भने त्यसको पालना भएको छैन । काठमाडौं बारका अध्यक्ष जगदिश घिमिरे स्वयंले यस्तो अनुभव गरेको नेपालबहसलाई बताए । चेक बाउन्स मुद्धामा उजुरी परि थुनामा रहेका विमल अग्रवालले जाहेरवाला व्यक्तिलाई रकम दिएर मिलापत्र भइसक्दासमेत काठमाडौं प्रहरीले जबर्जस्ती मुद्धा सरकारी वकिल हुँदै अदालतमा लगेको जानकारी अध्यक्ष घिमिरेले दिएका छन् । यसले अग्रवाललाई दोहोरो खर्च त भैगयो उनका आफन्त र अरुलाई पनि यो कोरोना कहरका बेला थप तनाव सिर्जना गरिदियो । साथै महान्यायधिवक्ताको सर्कुलर पनि धोती लाग्यो ।
तर काठमाडौ प्रहरी परिसरका प्रवक्ता एवै डीएसपी होविन्द्र वोगटी भने अग्रवालको केशमा पहिल्यै मुद्धा दर्ता भई पक्राउ पुर्जी जारी भैसकेकोले अदालत पठाएको बताउँछन् । दर्ता भैसकेको मुद्धामा प्रहरीले मिलापत्र गराउने वा धरौटीमा छोड्न नमिल्ने उनको भनाई छ ।
यो त एउटा उदाहरण मात्र हो, अहिले प्रहरी कार्यालयमा दैनिक यस्ता साधारण मुद्धा सयौंको संख्यामा आउने गरेको अधिवक्ता घिमिरेले जानकारी दिएका छन् । विशेष सरकारी वकिलको कार्यालयले अब यस्ता मुद्धा नल्याउनुस्, त्यही मिलाएर पठाउनुस् भन्दाभन्दै पनि प्रहरीले अटेरी गर्ने गरेको बताइन्छ । यस्तो व्यवहारले आम नागरिक तथा तिनका आफन्त आक्रोशित भएका छन् । जसले गर्दा काठमाडौं प्रहरी परिसर लगायत अन्यत्र पनि भीडभाड हुने गरेको छ ।
कोरोना भाइरसबाट जोगिन भीडभाड नगर्न सरकारले यस्तो व्यवस्था गर्दा समेत प्रहरीले असहयोग गर्दा संक्रमण फैलने संभावना बढेको पीडितहरु बताउँछन् । यसैगरी फौजदारी कार्यविधि संहिता २०७४ को दफा १५ ले पनि प्रहरीलाई कतिपय मुद्धामा अनुसन्धान गर्दा विभिन्न विकल्प दिएको भएपनि त्यसको उपयोग नभएको अधिवक्ता जगदीश घिमिरेको भनाई छ । सो संहितामा प्रहरीले नै साधारण तारेख, जिम्मा जमानी वा धरौटीमा मुद्धा नचलाई छोड्न सक्छ ।
प्रहरी प्रशासनको असहयोगले गर्दा अहिले प्रहरी परिसरका साथै सरकारी वकिलको कार्यालयमा समेत बाक्लो भीडभाड देखिएको छ । अहिले काठमाडौं सरकारी वकिल कार्यालयमा मुद्धाको चाप झनै बढेको छ । अझ काठमाडौं सरकारी वकिल कार्यालयले प्रहरीद्धारा पेश भएका कतिपय मुद्धामा ढिलाई गर्ने, सेवाग्राहीलाई विभिन्न वाहानामा अल्झाउने, र अनेकन बाहानाबाजी गर्दा त्यहाँ आफन्तहरुको ठूलो भीड जोकोहीले देख्न सक्छ । एकातर्फ मास्क र स्यानीटाइजरको अभाव अर्कोतर्फ मुद्धामामिलाको चापले आरोपी र तिनका आफन्तहरुको भीडभाडले कारोना संक्रमण बढ्नसक्ने देखिएको छ ।
देश नै संकटमा भएको बेला मुद्धामामिलामा भएको ढिलाई र प्रहरीले दुख दिएको गुनासो आईरहेको बताउदै अधिवक्ता गणेश केसीले सम्बन्धित निकायले यसतर्फ ध्यान दिनुपर्ने र सजगता अपनाउनु पर्ने बताउछन् । प्रवक्ता वोगटी भने प्रहरीले सामान्य प्रकृतिका नयाँ उजुरीहरु लिनै छोडिसकेको दावी गर्छन् । हामी कहाँ भीडभाड कम भैसकेको बताउँदै प्रवक्ता वोगटीले तत्काल दर्ता नगर्दा पीडितलाई ठूलै हानी नोक्सानी हुने केसहरु भने प्रहरीले र्हेने गरेको जनाएका छन् । चोरी, कालोबजारी र गम्भीर प्रकृतिका केस तर्फ मात्र प्रहरीको ध्यान केन्द्रित भएको उल्लेख गर्दै वोगटीले ठगी, चेक बाउन्स तथा अभद्र व्यवहारका मुद्धा भने केही समयका लागि दर्ता गर्न छोडेको बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपखिया लागेको जस्तामुनि मालढुंगाका प्रहरीको बास
चैत १४, २०८० बुधबार
अनलाइन प्रहरी चारित्रिक प्रमाण पत्र दिने सेवा तीन घण्टा अवरुद्ध हुने
चैत १३, २०८० मंगलबार
सहायक निरीक्षकसहित प्रहरीका २३ कर्मचारी सम्पर्कविहीन
चैत १३, २०८० मंगलबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
किन भेटिरहेका छन् देउवाले प्रधानमन्त्री प्रचण्ड ?
चैत १५, २०८० बिहिबार
एसीसी प्रिमियर कप खेल्ने नेपाली राष्ट्रिय क्रिकेट टिमको बिदाइ
चैत १५, २०८० बिहिबार
नेप्सेमा सामान्य वृद्धि, हिमालयन उर्जा विकासको शेयरमा सकारात्मक सर्किट !
चैत १५, २०८० बिहिबार
नेपाल ए र आयरल्याण्ड वोल्भ्सबीचको सिरिजको नयाँ तालिका सार्वजनिक
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
सौराहाको रोजगारी र आयको मुख्य स्रोत पर्यापर्यटन
चैत १५, २०८० बिहिबार