माछापुछ्रे बैकको ‘सीईओ’मा सन्तोष कोइराला नियुक्त

१० चैत्र, काठमाडौं । माछापुछ्रे बैकको प्रमुख कार्यकारी अधिकृत ‘सीईओ’मा सन्तोष कोइराला नियुक्त भएका छन् ।आगामि बैशाख १ गतेदेखि लागु हुने गरी सोमबार बसेको बैंक सञ्चालक समितिको बैठकले कोइरालालाई सीईओमा नियुक्ती गरेको हो । गत चैत २ गतेदेखि कोइराला कामू सीईओ भइ जिम्मेवारी सम्हालेका थिए ।

२ दशकभन्दा बढी बैंकिङको अनुभव भएका कोइराला बैंकको डेपुटी सीईओका रुपमा कार्यरत थिए । तत्कालीन सीईओ सुमन शर्माले राजीनामा दिएपछि कोइराला कामू सीईओ हुँदै सीईओमा नियुक्त भएका हुन् ।

नेपालको बैंकिङ क्षेत्रमा २० बर्ष लामो अनुभव हासिल गरेका कोइरालाले माछापुच्छ्रे बैंकमा पनि ७ वर्ष भन्दा बढी समय काम गरिसकेका छन् । बैंक अफ काठमाण्डूबाट आफ्नो बैंकिङ करियर शुरु गरि ४ बर्ष बिताएका कोइराला सानिमा बैंक हुँदै माछापुच्छ्रे बैंकमा आएका हुन् ।

सानिमा बैंकमा उनले करिब ९ वर्ष काम गरेका थिए । त्रिभूवन विश्वविद्यालयबाट एमवीए गरेका कोइरालाले नेदरल्यान्डको कलेजबाट एड्भान्स म्यानेजमेन्ट एण्ड लिडरसिप प्रोग्राममा डिप्लोमा गरेका छन् ।