गल्याङमा ७६ जना होम क्वारेन्टाइनमा, ८ सैयाको आइसोलेसन वार्ड तयार

१३, चैत, स्याङ्जा । स्याङ्जाको गल्याङ नगरपालिकामा बिश्वभर महामारीको रुपमा फैलिएको कोरोना भाइरस (कोभीड १९) को उच्च सतर्कता अपनाइएको छ ।

नगरपालिकाका मेयर भूपराज अधिकारीको संयोजकमा काम गरिरहेको कोरोना भाइरस (कोभिड १९) उच्च सतर्कका समितिले हालसम्म उक्त पालिकामा बिदेश बाट भित्रिएका ७६ जना नेपालीलाई होम क्वारेन्टाइनमा राखेको छ । नगरका विभिन्न वडामा क्वारेन्टाइनको पनि गरेको छ । चार नम्बर प्रदेशको मुख्य नाका राम्दीमा हेल्थ डेक्स राखेसंगै सतर्कता अभियानलाई तीव्रता दिएको मेयर भूपराज अधिकारीले जानकारी दिए । उनले भने “ नगरपालिकामा मेरो संयोजकमा समिती बनेको भएपनी सबै वडामा वडा अध्यक्षको संयोजकमा उप समिति निर्माण गरेर भाइरसको सतर्कता सम्बन्धि काम भैइरहेको छ । “

गल्याङ नगरपालिका तीनमा रहेको नगर हस्पिटलको नजिकै आठ सैयाको आइसोलेसन वाड तयारी पारिएको अधिकारीले जानकारी दिए । “ हामीले हस्पिटल नजिकै आइसोलेसन वाड तयार पारेका छौं भने सबै वडामा क्वारेन्टाइनको ब्यबस्था मिलाउने तयारीमा छौँ क्वारेन्टाइन कतिपय ठाउँ निर्माण भैइसकेको छ भने कतिपय ठाउँमा निर्माणाधीन अवस्थामा । “ उनको भनाइ थियो । हालसम्म वैदेशिक रोजगारको क्रममा दुबई, भारत, कुवेत, कतार लगायतका देश बाट आएका ब्यक्तिलाई होम क्वारेन्टाइनमा राखिएको उनले जानकारी दिए ।

नगरपालिकाको वडा नम्बर एकमा २७ सदस्यीय समिति बनाएर काम गरिरहेको वडा अध्यक्ष गणेश बस्यालले जानकारी दिए उनले भने “ उच्च सतर्कका लाई ध्यानमा राख्दै सार्वजनिक माविमा क्वारेन्टाइन वाड निर्माण गरेका छौं । “ त्यस्तै हामीसंग कुराकानी गर्दै नगरपालिका वडा नम्बर तीनका अध्यक्ष महेश भट्टराईले समग्रमा अवस्था सामान्यनै रहेको भन्दै आतंकित नहुन तर सबैलाई उच्च सतर्कता अपनाउन आग्रह गरे । “ हाम्रो वडामा अहिलेसम्म वैदेशिक रोजगारी बाट फर्किएका तीन जान हुनुहुन्छ उहाँहरुलाई होम क्वारेन्टाइनमा राखिएको छ “ उनले भने । बिशेषगरि बजार क्षेत्र रहेको हुँदा अन्य वडाको तुलनामा यो वडामा उच्च सतर्कता बढी अपनाउनुपर्ने भन्दै बजारमा दैनिकी उपभोग्य बस्तु अभाव सिर्जनासंगै कालाबजारी हुन नदिन पनि बिशेष काम गरिरहेको उनले बताए । “ म आफै घर घरमा गएर सबैलाई आग्रह गरेको छु । बजारमा समान पाउनुभएन भने मलाई सम्पर्क गर्नुस् “ उनको भनाइ थियो । सरकारले गरेको लकडाउनमा सबै नगरवासीले साथ दिएको हुँदा लक डाउन पुर्ण रुपमा पालना भएको पनि उनले बताए ।

हामीसंग कुराकानी गर्दै गल्याङ नगरपालिका प्रमुख भूपराज अधिकारीले दुई नम्बर वडामा १७ सदस्यीय उप समिती मार्फत काम भैइरेको जानकारी दिए । उक्त वडामा ६ शैयाको क्वारेन्टाइनमा समेत निर्माण गरिएको उनले जानकारी दिए । नगरवासी सबैलाई त्रसित नहुन तर उच्च सतर्कता अपनाउन अधिकारीले अनुरोध गरे ।