तापक्रम बढ्दै, दिउँसोपछि हावाहुरी चल्ने

१६ चैत्र, काठमाडौं । जल तथा मौसम पूर्वानुमान महाशाखाका अनुसार आइतबार पहाडी क्षेत्रको मौसम आंशिक बदली भए पनि अन्य ठाउँको मौसम सामान्यतया सफा रहने छ ।

अहिले पानी पार्ने कुनै पनि प्रणाली सक्रिय नभएको तर स्थानीय वायुको प्रभावले पहाडी क्षेत्रको मौसम आंशिक बदली हुने र अन्य ठाउँको मौसम भने सफा हुने छ । महाशाखाकाअनुसार तापक्रम बढ्दै गएकाले अब दिउँसोपछि हावाहुरीहावाहुरी चल्न थाल्ने छ ।

जमिनको सतह तातेपछि भूमरी बनेर हावाहुरी चल्ने मौसमी बुलेटिनमा उल्लेख छ । मौसम पूर्वानुमान महाशाखाका अनुसार देशभरिकै तापक्रम बढ्दै गएको छ । शनिबार २९ डिग्री सेल्सियस पुगेको काठमाडौंको शनिबार दिउँसोको तापक्रम २८ देखि ३० डिग्री सेल्सियससम्म पुग्ने महाशाखाको अनुमान छ ।

आगामी तीन दिनको मौसम पूर्वानुमान

चैत्र १६ गते (आइतबार)

दिउँसोः देशको पहाडी भू-भागमा आँशिक बदली रही बाँकी भू-भागमा मौसम सामान्यतया सफा हुने देखिन्छ।

रातीः देशभर मौसम सामान्यतया सफा हुने देखिन्छ।

चैत्र १७ गते (सोमबार)

दिउँसोः देशको पहाडी भू-भागमा आँशिक बदली रही बाँकी भू-भागमा मौसम सामान्यतया सफा हुने देखिन्छ।

रातीः  देशको पश्चिमी पहाडी  भू-भागमा आँशिक बदली रही बाँकी भू-भागमा मौसम सामान्यतया सफा हुने देखिन्छ।

चैत्र १८ गते (मंगलबार)

दिउँसोः देशको पश्चिमी भू-भागमा आँशिक देखि सामान्य बदली र मध्य र पुर्वका पहाडी भू-भागमा आँशिक बदली रही बाँकी भू-भागमा मौसम सामान्यतया सफा हुने देखिन्छ।

रातीः  देशको पश्चिमी भू-भागमा सामान्य बदली र मध्य र पुर्वका पहाडी भू-भागमा आँशिक बदली रही बाँकी भू-भागमा मौसम सामान्यतया सफा हुने देखिन्छ। पश्चिमी भू-भागका थोरै स्थानहरुमा र  मध्य र पुर्वका पहाडी भू-भागका एक दुइ स्थानमा मेघ गर्जन सहित बर्षा हुन सक्ने देखीएको छ।