समस्या परे मलाई र मेरो सचिवालयमा सम्पर्क गर्नुहोला : कांग्रेस नेता सिंह
नेपालबहस संवाददाता
चैत १६, २०७६ आइतबार २०:५७:५०
१६ चैत, काठमाडौं । नेपाली कांग्रेसका नेता प्रकाशमान सिंहले कोभिड–१९ को सङ्क्रमण नियन्त्रणका लागि लागू गरिएको ‘लकडाउन’को कठिन परिस्थितिमा कुनै गम्भीर समस्या आएमा आफू र आफ्नो सचिवालयमा सम्पर्क गर्न आग्रह गरेका छन् ।
नेता सिंहले आज एक विज्ञप्तिमार्फत लकडाउनको समयमा स्वदेश तथा विदेशमा रहेका नेपालीले कुनै गम्भीर समस्या आइपरेमा सचिवालयका श्रीराम लामिछाने (९८५१००८८५७) र युपी लामिछाने (९८५१०८३४४०) लाई सम्पर्क गर्न आग्रह गरेका छन् । यसैगरी निर्वाचनमा सदैव विजयी गराउने काठमाडौं निर्वाचन क्षेत्र नं १ का जनताका लागि कुनै समस्या परेमा नेता सिंह (९८५१०२३७६४), प्रदेशसभा सदस्य (दीपेन्द्र श्रेष्ठ (९८५१००५१७२५), प्रदेशसभा सदस्य राजेन्द्र गुरुङ (९८५१०८४५४२), प्रदेशसभा सदस्य उम्मेदवार सुरज लामिछाने (९८५१०३६१३६), पार्टीका क्षेत्रीय सभापति प्रकाश राणा (९८५१०३८००८) लगायत एक दर्जन व्यक्ति तथा सचिवालयका व्यक्तिको मोबाइल नम्बरमा सम्पर्क गर्न आग्रह गरिएको छ ।
विश्वव्यापी महामारीको रूप लिइसकेको कोरोना भाइरसलाई नेपाल प्रवेश गर्नै नदिने प्रयास असफल भइसकेको र अब त्यसलाई थप फैलिन नदिने तथा यसको प्रभावबाट हुनसक्ने क्षति कसरी रोक्ने भन्ने गम्भीर चुनौती खडा भएको नेता सिंहले उल्लेख गरेका छन् । वर्तमान कठिन चुनौती सामनाका लागि सबैखाले साथ र सहयोग गर्न उनले आफू र आफ्नो पार्टी सदैव तत्पर रहेको स्पष्ट पारेका छन् ।
यस विषम परिस्थितिमा अहोरात्र सेवामा समर्पित चिकित्सक, स्वास्थ्यकर्मी, सुरक्षा निकाय, राष्ट्रसेवक कर्मचारीलगायत सम्बद्ध सम्पूर्णप्रति उच्च सम्मान व्यक्त गर्दै उनले तीनै तहका सरकार र पार्टीका आम कार्यकर्तालाई पनि जनताको सेवामा लाग्न अनुरोध गरेका छन् ।
नेता सिंहले लकडाउनको अवस्थामा विश्व स्वास्थ्य सङ्गठनले जारी गरेका आधिकारिक सूचना र नियमको पालना गर्दै सबैलाई घरभित्रै बस्न आग्रह गर्दै कोरोना भाइरसबाट हुनसक्ने क्षति न्यूनीकरण गर्न धेरैभन्दा धेरै व्यक्तिको स्वास्थ्य परीक्षण गर्न जरुरी भएको बताएका छन् । सम्भव भएसम्म धेरै स्थानमा स्वास्थ्य परीक्षणको व्यवस्था मिलाउन र त्यो परीक्षणको नतिजा छिटो निकाल्ने व्यवस्था मिलाउन सरकारलाई आग्रह गर्दै उनले यसको जोखिमबाट सबै नेपालीलाई बचाउन प्रभावकारी र चुस्त कार्ययोजना बनाउन सरकारसँग माग गरेका छन् ।
विदेशस्थित नेपालीको अवस्था र सुरक्षामा समेत ध्यान दिँदै नेपाली दूतावासलाई अझ प्रभावकारी बनाउन सरकारसँग अपिल गर्दै नेता सिंहले लकडाउनले श्रमजीवी तथा विपन्न वर्गलाई दैनिक गुजारा चलाउनसमेत कठिन भएकाले तत्काल राहत प्याकेज ल्याउन नेपाल सरकारसँग माग गरेका छन् । त्यस्तै उनले सर्वसाधारणका लागि दैनिक उपभोग्य वस्तुको अभाव हुन नदिन औषधि उपकरणको पर्याप्त व्यवस्था, उपचारमा संलग्न चिकित्सक तथा सम्पूर्ण टीमका लागि अत्यावश्यक सुरक्षा उपकरण र उनीहरुको हौसला बढाउने खालका निर्णय लिन पनि सरकारसँग माग गरेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसडक बालबालिकाः पहिचान पाउन अझै पनि कठिन
बैशाख ८, २०८१ शनिबार
काठमाडौंका यी स्थानमा आज विद्युत सेवा अवरूद्ध हुने
बैशाख ८, २०८१ शनिबार
पर्यटकको रोजाइमा म्याग्दीको घोडेपानी, एक वर्षमा ३१ हजारले गरे भ्रमण
बैशाख ८, २०८१ शनिबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
हार्दिक पाण्डेयलाई १२ लाख जरीवाना
नेपालबहस संवाददाता
बैशाख ७, २०८१ शुक्रबार
अभिनेत्री शिल्पाका पति कुन्द्राको ९८ करोड सम्पति जफत
नेपालबहस संवाददाता
बैशाख ६, २०८१ बिहिबार
इलाम क्षेत्र न. २ मा कांग्रेस र स्वतन्त्रको देखियो चहलपहल
बैशाख ८, २०८१ शनिबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
हिमाल हेर्न नेपाल आएका पिटर शैक्षिक उन्नयनमा सक्रिय
बैशाख ८, २०८१ शनिबार
एलोन मस्कको भारत भ्रमण स्थगित
बैशाख ८, २०८१ शनिबार
कुम्भमेलामा १० दिनमा दुई लाखभन्दा बढी दर्शनार्थी सहभागी
बैशाख ८, २०८१ शनिबार
इलाम क्षेत्र न. २ मा कांग्रेस र स्वतन्त्रको देखियो चहलपहल
बैशाख ८, २०८१ शनिबार