अपराहन्नपछि मेघगर्जन र चट्याङसहित वर्षा

२२ चैत्र, काठमाडौं । जल तथा मौसम पूर्वानुमान महाशाखाले देशभरका अधिकांश क्षेत्रको मौसम शनिबार सामान्यतया सफा रहेन जनाएको छ । अहिले नेपालमा पश्चिमी वायु र स्थानीय वायुको आंशिक प्रभाव रहेको मौसमविदले बताएका छन्।

पश्चिमी तथा पूर्वी पहाडी क्षेत्रमा अहिले आंशिक बदली रहे पनि बाँकी भू–भागको मौसम सामान्यतया सफा रहेको छ। पहाडी भू-भागमा अपराहन्नपछि आंशिक बदली भई एक–दुई स्थानमा मेघ गर्जन र चट्याङ्गसहित वर्षाको सम्भावना रहेको मौसमविदले बताएका छन् ।

अरु क्षेत्रको मौसम भने दिनभर सामान्यतया सफा रहने जनाइएको छ । राति पनि देशभरको मौसम सामान्यतया सफा रहने मौसमविदले बताएका छन् ।

आगामी तीन दिनको मौसम पूर्वानुमान

चैत्र  २२ गते (शनिबार)

दिउँसोः देशका पहाडी भू-भागमा अपरान्हपछि आँशिक बदली भई एक वा दुई स्थानमा मेघगर्जन/चट्याङसहित वर्षाको सम्भावना तथा बाँकि भू-भागमा मौसम सामान्यतया सफा रहने छ।

रातीः  देशभर मौसम सामान्यतया सफा रहने देखिन्छ।

चैत्र  २३ गते (आईतबार)

दिउँसोः देशका पहाडी भू-भागमा अपरान्हपछि आँशिक बदली भई एक वा दुई स्थानमा मेघगर्जन/चट्याङसहित वर्षाको सम्भावना तथा बाँकि भू-भागमा मौसम सामान्यतया सफा रहने छ।

रातीः  देशभर मौसम सामान्यतया सफा रहने देखिन्छ।

चैत्र  २४ गते (सोमबार)

दिउँसोः देशका पहाडी भू-भाग तथा पश्चिमि भू-भागमा अपरान्हपछि आँशिक बदली भई एक वा दुई स्थानमा मेघगर्जन/चट्याङसहित वर्षाको सम्भावना तथा बाँकि भू-भागमा मौसम सामान्यतया सफा रहने छ।

रातीः  देशका पहाडी भू-भाग तथा पश्चिमि भू-भागमा आँशिक बदली भई एक वा दुई स्थानमा मेघगर्जन/चट्याङसहित वर्षाको सम्भावना तथा बाँकि भू-भागमा मौसम सामान्यतया सफा रहने छ।

आगामी २४ घण्टाका लागि चेतावनी तथा परामर्श 

देशको पहाडी भू-भागमा अपरान्ह तथा साँझतिर १/२ स्थानमा मेघगर्जन/चट्याङ सहित वर्षा हुन सक्ने देखिएकोले सामान्य सतर्कता अपनाउन हुन अनुरोध छ |