विश्वमा संक्रमणबाट मृत्यु हुनेको संख्या ५९ हजार नाघ्यो

२२ चैत्र, एजेन्सी । विश्वमा कोरोना भाइरस अर्थात् कोभिड-१९ को संक्रमणबाट मृत्यु हुनेको संख्या ५९ हजार नाघेको छ । विभिन्न तथ्याङ्क निकाल्ने संस्था वर्ल्डो मिटर्स डट इन्फोका अनुसार यो समाचार तयार पारिसक्दासम्म कोरोना भाइरसबाट मृत्यु हुनेको संख्या ५९ हजार १ सय ७९ पुगेको छ ।

अहिलेसम्म विश्वभर ११ लाखको हाराहारीमा कोरोनाबाट संक्रमित भएका छन् । सङ्क्रमितमध्ये २ लाख २८ हजार ९ सय ३८ जना उपचारपछि घर फर्किएका छन् ।

शनिबार बिहानसम्म ८ लाख १० हजार ९ सय ६३ जनामा कोरोना भाइरस सक्रिय देखिएको छ । तीमध्ये ३९ हजार ३ सय ९१ जना भने गम्भीर अवस्थामा छन् ।

कोरोना भाइरसको उद्गम स्थल चीन भए तापनि कोरोना संक्रमणबाट सबैभन्दा बढी मृत्यु हुनेमा इटाली, स्पेन त्यसपछि अमेरिका पर्छ ।