कुमारी बैंकका ग्राहकलाई बिगमार्ट र दराजसँगको कारोबारमा १०% छुट

२३ चैत्र, काठमाडौं । कोरोना महामारीले निम्त्याएको देशव्यापी लकडाउनको परिस्थिति र भौतिक बजारहरु पहुँचमा नभएको परिवेशलाई ध्यानमा राखी कुमारी बैंक लिमिटेडले दराजमार्फत बिगमार्टमा खाद्यान्न लगायत अत्यावश्यक दैनिक उपभोग्य सामग्रीको खरिदमा १०% या अधिकतम रु. ५०० सम्मको आकर्षक छुटको प्रावधान ल्याएको छ । उक्त योजना सीमीत अवधिका लागी मात्र लागू हुनेछ ।

सो सहमति पश्चात कुमारी बैंकका डेबिट-क्रेडिट कार्डवाहकहरुले बिगमार्टबाट दराजमार्फत आफूलाई चाहिने अत्यावश्यक दैनिक उपभोग्य वस्तुहरु झन्झटबिना आफ्नै घरदैलोमा प्राप्त गर्न सक्नेछन् ।

लकडाउनको यस विषम परिस्थितिमा पनि बैंकले आफ्ना ग्राहकहरुलाई देशव्यापी सक्रिय एटीएम, डिजिटल-अनलाइन बैंकिंग सेवा लगायत नगद काउन्टर, रेमिट्यान्स लगायत एलसी, ग्यारेन्टी सुविधाहरू उपलब्ध गराउंदै आएको छ ।