पूर्वराजा भन्छन्, नागरिकका दैनिक समस्याप्रति सम्बोधन नहुनु निराशाजनक !

२६ चैत्र, काठमाडौं । पूर्वराजा ज्ञानेन्द्र शाहले कोरोना संक्रमण विपतकाे यस घडीमा आफ्ना नागरिकप्रति सरकारको विशेष चासो हुनु सह्रानीय भएको बताएका छन् ।

मंगलबार देशबासीका नाममा प्रधानमन्त्री केपी शर्मा ओलीले राष्ट्रका नाममा गरेको सम्बोधन सह्रानीय रहेपनि आम नागरिकको दैनिक समस्या प्रति सम्बोधन नहुनु निराशाजनक भएको बताएका हुन् ।

सामाजिक सञ्जालमा ट्वीट गर्दै पूर्वराजा शाहले राज्यको करप्रणालीको अति ठूलो हिस्सा दैनिक खानपानको समस्याबाट गुज्रिरहेको छ जसमा सरकारको ध्यान अत्यन्त न्यून देखिनु दुःखद् पक्ष भएको बताएका छन् ।

पूर्व राजा शाहले प्रधानमन्त्रीद्धारा स्थापित कोरोना रोकथाम, नियन्त्रण तथा उपचार राहत कोषमा व्यक्तिगत तर्फबाट एक्लै २ करोड चन्दा प्रदान गरेका थिए । सो सरकार िराहत कोषमा अहिलेसम्म ३ अर्ब रुपैयाँ भन्दा बढी संकलन भईसके पनि सरकारले आम जनताले प्रत्यक्ष राहत महशुश हुने गरि केही योजना ल्याउन सकेको छैन् ।

सम्बोधनमा प्रधानमन्त्री ओलीले आगामी दुई साता ‘थप चुनौतीपूर्ण’ भएको बताउँदै र्‍यापिड टेस्ट कीटले परीक्षणको काम तीव्र गतिमा लैजाने सरकारको योजना रहेको बताएका थिए । सम्बोधनका क्रममा ओलीले क्वारन्टीन अवधि पूरा गरेका व्यक्तिको पुन: परीक्षण गरिने जनाउदै यतिखेर जीवन कि वैयक्तिक स्वतन्त्रता भन्ने बहस गर्नु नै उपयुक्त नहुने उनको भनाइ थियो।

यस्तै प्रधानमन्त्री ओलीले सामान्य वा असामान्य अवस्थामा सरकारका काम विधिसम्मत हुनुपर्ने बताए। तर काम नै गर्न नसक्ने अवस्थाको सिर्जना सञ्चारमाध्यम र सामाजिक सञ्जाल प्रयोगकर्ताहरूले गर्न नहुने बताउदै आएका छन् ।