चेम्बर अफ कमर्सद्धारा १० हजार मास्क वितरण

२६ चैत्र, काठमाडौं । नेपाल चेम्बर अफ कमर्सले कोरोना भाइरसको रोकथाम र नियन्त्रणका लागी माक्स लगायत विभिन्न सामानहरु वितरण गरेको छ ।

चेम्बरका निर्देशक सुस्मिता लालका अनुसार विभिन्न जिल्लाका चेम्बर अफ कमर्सद्धारा कोरोना भाइरस ‘कोभिड १९’ प्रकोपका सन्दर्भमा नगद हस्तान्तरण तथा माक्स लगायत विभिन्न सामानहरु वितरण गर्नुका साथै सुपथ पसल संचालन गरिएको छ । अभियान अन्तर्गत चितवन चेम्बर अफ कमर्सले १० हजार मास्क वितरण गरेको छ ।

यस्तै खैरहनी नगर चेम्बर अफ कमर्सले १४ सय ५० माक्स नगरपालिकालाई र ५ सय ३० माक्स इलाका प्रहरी कार्यालय खैरहनीलाई वितरण गरेको छ । उता चेम्बर अफ कमर्स जाजरकोटले स्वास्थ्य सेवा कार्यालय अन्तरगत रहेको जिल्ला अस्पतालमा हात धुने धारा निर्माण गरेको छ । कमर्सले आफ्नै लगानीमा जिल्ला अस्पतालमा हात धुने धारा निर्माण गरेको हो ।