ओली मोदीबीच फोनवार्ता

२८ चैत्र, काठमाडौं । प्रधानमन्त्री केपी ओलीले आज आफ्ना भारतीय समकक्षी नरेन्द्र मोदीसँग टेलिफोन वार्ता गरेका छन् । उक्त कुराको जानकारी ओलीले ट्वीटमार्फत सार्वजनिक गरेका हुन् ।

उनले ट्वीटमा लेखेका छन्– आज मैले भारतीय प्रधानमन्त्री श्री नरेन्द्र मोदीजीसँग टेलिफोन सम्वाद गरें । कोरोना भाइरसविरुद्धको सहकार्यलाई अझ सशक्त बनाउने विषयमा हामी सहमत भयौं ।

लकडाउनका कारण एक अर्काको मुलुकमा रोकिएका नागरिकलाई आ–आफ्नो देशमा राम्रो हेरचाह गर्ने विषयमा जोड दियौं । आपूर्ति व्यवस्थालाई निरन्तर कायम राख्न र थप सहज एवं सुचारु राख्न छलफल भयो ।

भारत सरकारले उपलव्ध गराउने औषधिलगायतको सहयोगका लागि मैले धन्यवाद दिएँ ।