भाइरसबाट बच्ने उपायहरुको सहजीकरण गर्न लघुवित्त संघ नेपालको आब्हान

२९ चैत्र, काठमाडौं । विश्वव्यापी संकटको रुपमा देखा परेको कोरोना भाइरस (COVID­-19) का कारण दिन प्रतिदिन महामारी बढ्दै गएकाले यसबाट बच्नका लागि अभियानहरु संचालन भइरहेका छन् ।

यस घडिमा सबैजना सचेत भई आपसी एकता, स्वअनुशासन र सतर्कताबाट यो संकटलाई पार लगाउनु पर्ने आजको आवश्यकता छ । कोरोना भाइरसको संक्रमण फैलिन नदिन नेपाल सरकारले गरेका निर्णयहरुको पालना गर्दै सावधानीका सम्पूर्ण उपायहरु अवलम्बन गर्न अत्यन्तै जरुरी छ ।

यस जटिल परिस्थितीको समाना गर्न उच्च मनोबल, सहयोगी भावना र सावधानीका उपायहरु तथा सही उपचार बिधिको परिपालनाका गर्दै सबै एकजुट हुनु पर्दछ । सचेतना र सावधानीका साथ लघुवित्त वित्तीय संस्थाका संचालक, कर्मचारी, केन्द्र-समुहका सदस्यहरुमा कोरोना भाइरसबाट बच्ने उपायहरुको सचेतनाको सहजीकरण र अवलम्बन गर्न लघुवित्त संघ नेपालले आब्हान गरेको छ ।

संकटका यो बेला लघुवित्त वित्तीय संस्थाहरुले आफ्ना सेवाग्राहीलाई थप साथ र सहयोग प्रदान गर्नुपर्दछ । त्यो जिम्मेवारीलाई पुरा गर्न, स्वास्थ्य संवेदनशिलतालाई ध्यानमा राख्दै आ–आफनो ठाउँबाट सेवा प्रवाह गर्न सबैमा अनुरोध छ । वित्तीय क्षेत्रको अभिभावक नेपाल राष्ट्र बैंकले समेत सेवा प्रवाह र सतकर्तालाई जोड दिएकाले सोही मर्मअनुसार गर्न-गराउनुहन सबैमा अनुरोध गरेको अध्यक्ष जगतबहादुर पोखरेलले बताए ।