लकडाउनका बेला यात्रु बोक्ने एम्बुलेन्स प्रहरी नियन्त्रणमा

३ वैशाख पाल्पा । कोरोना भाइरसको महामारीका कारण लकडाउन भएका बेला यात्रु बोकेको एम्बुलेन्सलाई प्रहरीले नियन्त्रणमा लिएको छ ।

लकडाउनका समयमा आठ यात्रुसहित पाल्पाको प्रभाषबाट बागलुङतर्फ जाँदै गरेको लु २ च १४८० नम्बरको एम्बुलेन्सलाई प्रहरीले नियन्त्रणमा लिएको हो ।

चालक डम्बरबहादुर सुनारलाई पक्राउ गरिएको जिल्ला प्रहरी कार्यालयका सूचना अधिकारी सुरज श्रेष्ठले जानकारी दिए ।लकडाउनका अवधिमा जिल्लामा २६५ सवारी साधन नियन्त्रणमा लिइएको जिल्ला प्रहरी कार्यालय पाल्पाले जनाएको छ ।