स्वास्थ्यकर्मीमाथि प्रहरीबाट भएको कुटपिट प्रति राणाको चिन्ता
नेपालबहस संवाददाता
बैशाख ५, २०७७ शुक्रबार १८:५८:४
५ बैशाख, काठमाडौं । राष्ट्रिय प्रजातन्त्र पार्टी (राप्रपा) का अध्यक्ष पशुपतिशमशेर राणाले कोभिड–१९ विरुद्धको संघर्षमा ठूलो जोखिम मोलेर रातदिन खट्ने स्वास्थ्यकर्मीको सम्मान र हौसला बूलन्द राख्नु पर्ने बताएका छन् ।
स्वास्थ्यकर्मीमाथि प्रहरीबाट भएको कुटपिट घटनामा चिन्ता व्यक्त गर्दै राणाले यस्ता कमी कमजोरी दाहोरिन नहुने बताए । ‘स्वास्थ्यकर्मीलाई प्रहरीले कुटपिट गरेको अप्रिय खबर सुनियो । यस्ता घटना दोहोरिन नदिन सुधारको अपेक्षा राखौं । दिनरात जुध्ने स्वास्थ्यकर्मीको सम्मान गरौं, हौसला बूलन्द राखौं,’ अध्यक्ष राणाले शुक्रबार भने ।
महामारीको संवेदनशील समयमा प्रहरी प्रशासनको भूमिका महत्वपूर्ण हुने भन्दै कहीँ कतै समस्या भए तिनको निराकरण गरिनु पर्ने उनले बताए । ‘महामारीमा अहोरात्र खट्ने प्रहरीको धैर्यता कसरी कायम राख्ने, मनन् गरौं । केही अभाव, कारण छन् भने सम्बोधन गरौं,’ राणाले भने ।
राहत वितरणको क्रममा जनस्तरबाट व्यक्त गुनासोप्रति टीप्पणी गर्दै उनले सबै जनतालाई समान व्यवहार गर्नुपर्ने बताए । संक्रमणको जोखिम ध्यानमा लिएर, राहत बाँड्ने बेला सम्पूर्ण स्वास्थ्य प्रोटोकल पालना गर्न स्थानीय तहको राणाले ध्यानाकर्षण गराए ।
‘राहत वितरणमा ठाउँ–ठाउँ झडप र असन्तुष्टी देखिएको छ । यो आफ्नो विरानो गर्ने, भोटको सौदाबाजी गर्ने बेला होइन,’ ट्वीट गर्दै अध्यक्ष राणाले भने । ‘गुणस्तरहीन सामाग्री मात्र होइन, राहतको मात्रा पनि अपर्याप्त ठानिएको छ । सबै ठाउँ सामाजिक दूरी कायम भएको छैन । पूर्ण सावधानी अपनाउनु वेश ताकी राहत वितरण संक्रमणको माध्यम नबनोस् ।’
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपरुसी सेनामा २ सयभन्दा बढी नेपाली भर्ती
मंसिर २५, २०८० सोमबार
कीर्तिमानी सगरमाथा आरोही बुढालाई प्रधानमन्त्रीले दिए बधाई
जेठ ९, २०८० मंगलबार
सिर्सिया नदीको दुषित पानी बोकेर काठमाडौं आउँदै पीडित
जेठ ८, २०८० सोमबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
पृथ्वीबाट अचानक रक्सी पूरै गायब भयो भने के हुन्छ ?
चैत १६, २०८० शुक्रबार
उप निर्वाचनलक्षित एजेन्डा पास गर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
यस्ता छन् बिहीबारको मन्त्रिपरिषद् बैठकको निर्णय
चैत १६, २०८० शुक्रबार
सेती नदीमा डुबेर डोटीमा एक किशोरको मृत्यु
चैत १६, २०८० शुक्रबार
कम्युनिष्टसँग सहकार्य गर्दा कांग्रेसले गुमाएको गौरव
चैत १६, २०८० शुक्रबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार