ओम्नीको भण्डाफोर गर्ने डा. पुनमाथि स्वास्थ्यमन्त्रीले पोखे आक्रोश

६ बैशाख, काठमाडौं । हिजोआज एउटा नाम नेपाली मिडियामा अलि बढी नै आउने गरेको छ, डा. शेरबहादुर पुन ।शुक्रराज ट्रपिकल तथा सरुवा रोग अस्पताल टेकुमा कार्यरत वरिष्ठ चिकित्सक पुन कोरोना भाइरसबिरुद्ध भिडेर काम गर्दैछन् ।

जापानबाट आफ्नो चिकित्सा शिक्षा पूरा गरेका तिनै डा. पुन अहिले सरकारको आँखाको कसिंगर बनेका छन् । नेपाली जनतालाई यो महामारीबारे राम्रो जानकारी दिएर चर्चा कमाएका डा. पुनलाई स्वास्थ्यमन्त्री भानुभक्त ढकालको ठाडो आदेशमा कारवाही प्रक्रिया सुरु गरिएको स्रोतको दावी छ । उनीमाथि कोरोनाबारे जनमानसमा नचाहिंदो भ्रम सिर्जना गरेको आरोप लगाइएको छ । विभिन्न सञ्चारमाध्यममा डा. पुनले दिएको अन्तर्वार्ताले सरकारी अकर्मण्यताको पर्दाफास हुने गरेको छ ।

खासमा डा. पुनले ओम्नी समूहले ल्याएको आरडीटी कीटको आधिकारिकतबारे प्रश्न उठाएका थिए । साथै बजार मूल्यभन्दा धेरै महंगामो ल्याएको विषय पनि उनैले सञ्चारमाध्यमलाई चुहाएको बुझाई मन्त्री ढकालको रहेको छ । मुखैमा आएको कमिशन नपाउने वातावरण सिर्जना गरेको झाेंकमा ढकाल डा.पुनलाई उहिल्यै कारबाही गर्न चाहन्थे । तर परिस्थिति अनुकुल नभएकाले उनी मुर्मुरिएका थिए ।

स्वास्थ्यमन्त्री ढकाललाई त्यो सैह्य भएन । हिजो शुक्रबार मन्त्रालयबाट डा. पुनको नाममा स्पष्टीकरण गएको छ । साथै उनलाई मन्त्रालयमा हाजिर गराउन समेत निर्देशन दिइएको छ । कोभिड–१९ का बेला मात्र होइन, डा. पुन यसअघि फैलिएका विभिन्न सरुवा रोग प्रतिरोध गर्ने अभियानको अगुवाई गर्दै आएका चिकित्सक हुन् । महामारीका बेला संक्रमण रोग विशेषज्ञलाई मन्त्रालयमा तान्नु भनेको जनस्वास्थ्यप्रतिको सरकारी कुठाराघात हो । यतिखेर सकेसम्म बढी चिकित्सकलाई फिल्डमा खटाउनुपर्ने बेला स्वास्थ्यमन्त्री ढकाल भने उल्टो कारवाही गर्न तम्सिएका छन् ।

स्वास्थ्य मन्त्रालय स्रोतका अनुसार मन्त्री ढकाल विगत केही दिनदेखि नै डा.पुनलाई कारवाही गर्न खोज्दै थिए । तर यसबाट नराम्रो सन्देश जानसक्ने भन्दै उनलाई तत्काल कारवाही नगर्न सुझाव दिएका थिए । मन्त्री ढकालले डा.पुनमाथि विभिन्न सञ्चारमाध्यममा भ्रामक कुरा दिएको भने पनि कस्तो भ्रम फैलिएको भनेर प्रष्ट गरेको छैन । स्रोत भन्छ– यो कारवाहीका पछाडि अर्काे रहष्य लुकेको छ ।

खासमा डा. पुनले ओम्नी समूहले ल्याएको आरडीटी कीटको आधिकारिकतबारे प्रश्न उठाएका थिए । साथै बजार मूल्यभन्दा धेरै महंगामो ल्याएको विषय पनि उनैले सञ्चारमाध्यमलाई चुहाएको बुझाई मन्त्री ढकालको रहेको छ । मुखैमा आएको कमिशन नपाउने वातावरण सिर्जना गरेको झाेंकमा ढकाल डा.पुनलाई उहिल्यै कारबाही गर्न चाहन्थे । तर परिस्थिति अनुकुल नभएकाले उनी मुर्मुरिएका थिए । अहिले उपयुक्त समय आएको ठानी स्पष्टीकरण मागिएको हो ।

यसैबाट पनि मन्त्री ढकालको कोरोना कमिशनको खेल पटाक्षेप हुने स्रोतले बताएको छ । करारमा कार्यरत डा. पुनलाई मन्त्रालय हाजिर गराउनुको कुनै अर्थ नरहेको पनि स्रोतले बताएको छ ।