लकडाउनका कारण शहरमा अलपत्रलाई गाउँ फर्काउँदै स्थानीय तह
नेपालबहस संवाददाता
बैशाख १०, २०७७ बुधबार १७:९:७
१० वैशाख, ओखलढुङ्गा । स्थानीय तहले काठमाडौँसहित विभिन्न शहरमा अलपत्र परेका नागरिकलाई गाउँ फर्काउने तयारी थालेका छन् । जिल्ला सदरमुकाममा सबै स्थानीय तहका प्रमुखसहित जिल्ला कमाण्ड पोष्टका पदाधिकारीको बैठकले प्रधानमन्त्री केपी शर्मा ओलीको निर्देशनअनुसार अलपत्र परेका नागरिकलाई गाउँ फर्काउन पहल गर्ने निर्णय गरेका तयारी थालेका हुन् ।
जिल्लाका सबैजसो स्थानीय तहले सार्वजनिक सूचना जारी गरेर अलपत्र परेकाको विवरण सङ्कलन गरिरहेका छन् । मोलुङ र मानेभञ्ज्याङ गाउँपालिकाले आउन चाहने सबै नागरिकलाई गाउँ फर्काउने भन्दै सम्पर्कमा आउन अपिल गरेको छ । “लकडाउनका कारण हाम्रा जनता शहरमा समस्यामा परेकोप्रति ध्यानाकर्षण भएको छ । आउन चाहनेको विवरण सङ्कलन गरेर गाउँसम्म ल्याउने तयारी गरिरहेका छौँ ।” मानेभञ्ज्याङ गाउँपालिका अध्यक्ष मोतिराज राईले भने, “तर गाउँमा आएर क्वारेन्टाइन वा होम क्वारेन्टाइनमा बस्नुपर्नेछ ।”
मोलुङ गाउँपालिकाले शहरबाट अलपत्र परेकालाई उद्धार गरेर स्वास्थ्यकर्मी र सुरक्षाकर्मीको निगरानीमा क्वारेन्टाइनमा राख्ने तयारी गरेको गाउँपालिकाका सूचना अधिकारी गोपाल नेपालले बताएका छन् । “लकडाउनका कारण सङ्कटमा परेकालाई उद्धार गर्ने र सुरक्षितरुपमा गाउँमा ल्याएर क्वारेन्टाइनमा राख्ने गरी विवरण माग गरिरहेका छौँ”, नेपालले भने ।
सुनकोशी गाउँपालिकाले सङ्कटमा परेका नागरिकलाई सहयोग गर्ने नीति लिएको छ । गाउँपालिका अध्यक्ष रुद्र अधिकारीले बीच बाटोमा अलपत्र परेका र खाद्य सङ्कट झेलेका नागरिकलाई सहयोग गरिने जानकारी दिए । “यही अवस्थामा सबैलाई गाउँ फर्काउन कति सम्भव होला तर सङ्कटमा परेकालाई सहयोग गर्न थालेका छौँ”, अध्यक्ष अधिकारीले भने, “बाटोमा अलपत्र परेकालाई ल्याएर सरकारी क्वारेन्टाइनमा राख्ने र सङ्क्रमण नभएको पुष्टिपछि गाउँ फर्काइन्छ । अन्यथा जो जहाँ छन्, त्यही ठाउँमा सहयोग गर्न पनि हाम्रो संयन्त्र पुग्छ ।”
खिजीदेम्बा गाउँपालिकाले पनि समस्यामा परेकालाई सहयोग गरिने भन्दै आफ्नो स्थान र अवस्थाबारे जानकारी गराउन अपिल गरेको छ । “को–कहाँ कुन अवस्थामा छ र कसलाई के समस्या छ भन्नेबारे बुझ्ने काम भइरहेको छ ।” प्रमुख प्रशासकीय अधिकृत सुवास पौडेलले भने, “सबैको अवस्था र आवश्यकता बुझेर त्यहीअनुसार हामी अघि बढ्ने तयारीमा छौँ ।” खिजीदेम्बाले एकै दिन दुईसम्म सार्वजनिक सूचना जारी गरेर तत्काल विवरण उपलब्ध गराउन आग्रह गरेको छ ।
जिल्लाको एक मात्र नगरपालिका सिद्धिचरण नगरपालिकाले पनि समस्यामा परेकालाई उद्धार गर्ने तयारी गरेको नगरप्रमुख मोहन श्रेष्ठले बताउनुभयो । नगरपालिकाले घर फर्कन चाहनेलाई विवरण उपलब्ध गराउन अपिल गरेको छ । लिखु, चिशङ्खु र चम्पादेवी गाउँपालिकाले पनि समस्यामा परेकालाई सहयोग र अफ्ठ्यारामा परेकालाई उद्धार गर्ने तयारी गरेका छन् ।
जिल्ला कमाण्ड पोष्टले नवप्रवेशीलाई अनिवार्य क्वारेन्टाइनमा राख्न स्थानीय तहलाई आग्रह गरेको छ । बाहिरबाट आउने नागरिकमा सङ्क्रमणको जोखिम हुने भएकाले अनिवार्य क्वारेन्टाइनमा राखेर स्वास्थ्य परीक्षण गराउन भनिएको प्रमुख जिल्ला अधिकारी गणेश आचार्यले बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपरुसी सेनामा २ सयभन्दा बढी नेपाली भर्ती
मंसिर २५, २०८० सोमबार
कीर्तिमानी सगरमाथा आरोही बुढालाई प्रधानमन्त्रीले दिए बधाई
जेठ ९, २०८० मंगलबार
सिर्सिया नदीको दुषित पानी बोकेर काठमाडौं आउँदै पीडित
जेठ ८, २०८० सोमबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
उप निर्वाचनलक्षित एजेन्डा पास गर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
पृथ्वीबाट अचानक रक्सी पूरै गायब भयो भने के हुन्छ ?
चैत १६, २०८० शुक्रबार
यस्ता छन् बिहीबारको मन्त्रिपरिषद् बैठकको निर्णय
चैत १६, २०८० शुक्रबार
सेती नदीमा डुबेर डोटीमा एक किशोरको मृत्यु
चैत १६, २०८० शुक्रबार
कम्युनिष्टसँग सहकार्य गर्दा कांग्रेसले गुमाएको गौरव
चैत १६, २०८० शुक्रबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार