प्रचण्ड र नेपाल समूहद्धारा स्थायी कमिटी बैठककाे माग, ओली पक्ष भन्छ – अहिले सम्भव छैन
नेपालबहस संवाददाता
बैशाख १०, २०७७ बुधबार १८:३३:२१
१० बैशाख, काठमाडौं । प्रधानमन्त्री केपी ओलीले छापामार शैलीमा जारी गराएको दुई अध्यादेश के उद्देश्य प्राप्तिका लागि थियो ? त्यसको जवाफ खोज्न सत्ताधारी दलका नेताहरु भरमग्दुर प्रयास गरिरहेका छन् । तर चित्तबुझ्दो जवाफ पाउन सकिरहेका छैनन् ।
अस्ती फास्ट ट्रयाकबाट ल्याइएका दुई अध्यादेश नेकपा लक्षित नरही अरुप्रति सोझिएको भन्ने ओलीको तर्क पत्याउने आधार देखिएको छैन । यतिबेला मधेश केन्द्रित भनिएका दलहरु फुटको संघारमा देखिएका छैनन् । न त त्यति धेरै विवाद नै बढेको अवस्था छ ।
त्यसैले प्रधानमन्त्रीको भनाई पत्यारिलो छैन– नेकपा स्थायी समिति सदस्य भीम रावलको तर्क छ । वास्तवमा प्रधानमन्त्री के चाहनु हुन्छ भन्ने पार्टी पंक्तिलाई थाहा छैन भन्दै नेता रावलले अदृश्य शक्तिको आडमा यस्तो काम भएको सहजै अनुमान लगाउन सकिने अवस्था रहेको बताए ।
मधेशवादी भनिएका दलका नेताहरु नै यो अध्यादेशको चर्काे विरोध गरिरहेका बेला प्रधानमन्त्रीको भनाई कसरी पत्याउन सकिन्छ ? उनले प्रश्न गरेका छन् । नेकपा कार्यकारी अध्यक्ष पुष्पकमल दाहाल प्रचण्ड निकट मानिने नेता हरिबोल गजुरेलका अनुसार प्रधानमन्त्री ओलीले पार्टी विभाजनको जग खनिसकेका छन् । मात्र इँटा थप्न बाँकी रहेको तर्क गर्दै उनले भने– पार्टी पंक्तिलाई छलेर एकलौटी अध्यादेश ल्याउनुको अर्थ नै विभाजनको सूत्रपात हो ।
यसमा ओलीले लामो अभ्यास गरेको आफूले जानकारी पाएको भन्दै नेता गजुरेलले अब ओलीको चाहना भन्दा अरुकै इच्छा बमोजिम पार्टी विभाजन भइछाड्ने ठोकुवा गरे । राम्रो उद्देश्यका लागि थियो भने सचिवालयमा किन छलफल गरिएन भन्दै उनले यो प्रकरणमा राष्ट्रपति विद्यादेवी भण्डारी पनि उत्तिकै भागिदार रहेको दावा गरे । तर हामी सकेसम्म पार्टी नफुटोस् भन्ने चाहन्छौं भन्दै उनले तर यसका लागि पूर्व एमाले पक्षधर साथीहरुको समेत आडभरोशा चाहिने बताए ।
पूर्व प्रधानमन्त्रीद्वय माधवकुमार नेपाल र झलनाथ खनालको यो प्रकरणमा कस्तो भूमिका रहन्छ, पार्टीको भविष्य त्यसैमा निर्भर हुन्छ भन्दै नेता गजुरेलले सकेसम्म कम्युनिष्ट आन्दोलनलाई मिलेर जोगाउनु आजको आवश्यकता हो भनेका छन् ।हिजो दिनभरि नै आफूहरु यही प्रयत्नमा लागेको जानकारी दिंदै उनले भने– ओलीजीको मनोकांक्षा पूरा गर्न सिंगो पार्टीले बलिदानी दिने कुरा सम्भव छैन । यसका लागि तत्कालै स्थायी कमिटी बैठक डाक्न उनले माग गरे ।
नेता रावलले पनि अब विधान बमोजिम हरेक तीन महिनामा गनुपर्ने स्थायी कमिटी बैठक बस्न नेता प्रचण्डसँग आग्रह गरेका छन् । उनले भने– यस विषयमा मैले हिजै अध्यक्ष प्रचण्डसँग कुरा गरेको छु, उनले पनि यथाशीघ्र बैठक बोलाउने आश्वासन दिनु भएको छ । नेता गजुरेल भने प्रचण्ड एक्लै लागेर भन्दा शीर्ष नेताहरु नेपाल र खनालसमेत यो प्रकरणमा खुलस्त हुनु आवश्यक रहेको बताउँछन् ।
हामीले बुझे अनुसार प्रधानमन्त्री ओली पूर्व माओवादी पक्षले दास जस्तो बस्नुपर्ने नत्र पार्टी छाडेर जानुपर्ने पक्षमा हुनुहुन्छ, यदि त्यस्तो हो भने नेपाल र खनाल पनि प्रष्ट हुनुप¥यो भनेका छन् । उता, ओली निकट एकजना केन्द्रीय सदस्यका अनुसार, अब हाँस र बकुल्ला छुट्टिने बेला भइसक्यो । दुई तिहाई नजिक मत प्राप्त सरकारलाई अस्थिर बनाउने गरी चलखेल गर्ने ? जनताका आकांक्षा र अपेक्षा संवोधन गर्नै नदिने उनले भनेका छन् ।
प्रधानमन्त्रीले धेरै कुरामा कम्प्रोमाइज गरे, अब त्यो हुन सक्दैन, गत निर्वाचनमा जनताले ओलीलाई मत दिएको हो भन्दै उनले जनमतको सम्मान गर्न ओलीले सहज रुपमा काम गर्न पाउनुपर्ने तर्क राखे । वास्तवमा दुईवटा अध्यादेश जारी गर्नुका पछाडि सरकारले आफ्नो सकृयता बढाउन र जनताको अपेक्षा पूरा गर्न नै हो भन्दै उनले चित्त नबुझ्नेले पार्टी त्याग गर्न सक्ने स्पष्ट गरे ।
साँच्चै भन्ने हो भने यो पूर्व माओवादीलाई सहज होस् भनेर नै एक ठाउँमा ४० प्रतिशत पु¥याएर विभाजन गर्न बाटो खोलिदिएको खुलासा उनले गरेका छन् । पूर्व माओवादी नेता गजुरेल पनि यो तर्कसँग सहमत छन् । उनले भने वास्तवमा हामीलाई नै लक्षित गरेर अध्यादेश ल्याइएको हो । तर कम्युनिष्ट आन्दोलनलाई नयाँ उँचाईमा लैजान अहिले पनि एकताको पक्षमा हामी छौं भन्दै उनले यसमा नेताद्वय नेपाल र खनालको धारणा नआएसम्म केही नबोल्ने बताए ।
त्यसैका लागि हामी छलफल गर्न स्थायी कमिटी बैठक चाहन्छौं – उनले भने । तर बालुवाटार निकट स्रोतका अनुसार , लकडाउनका बेला स्थायी कमिटी बैठक गर्न सम्भव छैन । त्यसैले यो परिस्थिति सहज नभएसम्म पार्टीका बैठक हुन सक्दैन ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपदेशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
राष्ट्रिय सभाकी उपाध्यक्ष अर्यालले बुझाइन राजीनामा
चैत १५, २०८० बिहिबार
राप्रपाले इलाममा लक्ष्मी गुरूङलाई बनायो उम्मेदवार
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
नेपालमा बस्छन ६० देशका अवैतानिक वाणिज्यदूत
चैत १५, २०८० बिहिबार