कांग्रेसले भागबण्डा खोजेकाले अध्यादेश ल्याइएकाे हाे : ओली

१० बैशाख, काठमाडौं । प्रधानमन्त्री केपी ओलीले अस्ति सोमबार जारी गराएको दुई अध्यादेश औचित्यपूर्ण रहेको भन्दै त्यसको प्रभाव विस्तारै देखिने बताएका छन् । आज सरकारी निवास बालुवाटारमा सातै प्रदेशका सांसदहरुसँगको क्रमिक भेटमा छलफल गर्दे उनले यस्तो दावी गरेका हुन् ।

सबैभन्दा पहिला सदूरपश्चिम प्रदेश सांसदहरुसँगको छलफलमा उनले संसदीय मूल्य र मान्यतालाई बलियो बनाउनैका लागि निर्वाचनसम्बन्धी अध्यादेश ल्याएको बताए । सबै राजनीतिक दललाई यसले प्रभावित पार्ने भन्दै संसदीय दल वा पार्टी केन्द्रीय कमिटीमा ४० प्रतिशत पु¥याउने कुरा समान भएकाले विवाद गर्नुनपर्ने धारणा राखे ।

साथै संवैधानिक परिषद सम्बन्धी अध्यादेश ल्याउनुको औचित्यबारे बोल्दै उनले सरकार दुर्ईतिहाई समर्थनमा भएपनि प्रमुख प्रतिपक्षी दलका नेताका कारण सबै काम अफ्ठेरोमा परेको बताए । हरेक नियुक्तिमा भागबण्डा खोज्ने प्रवृत्तिलाई निरुत्साहित गर्न नै यो अध्यादेश ल्याइएको हो – उनले भने ।

प्रतिपक्षी भनेको खबरदारी गर्ने हो नकी भागबण्डा भन्दै उनले अहिले भने सबै ठाउँमा भागबण्डा खोज्ने नदिए अनुपस्थित हुने यो गलत परम्परालाई सच्याउनका लागि अध्यादेश ल्याइएको हो – प्रधानमन्त्रीले भनेका थिए ।