भीम उपाध्यायलाई तीन दिन थुनामा राख्न अदालतको आदेश

११ बैशाख, काठमाडौं । पूर्व सचिव एवं सामाजिक अभियन्ता भीम उपाध्यायलाई थप तीन दिन थुनामा राख्न जिल्ला अदालत काठमाडौंले प्रहरीलाई अनुमति दिएको छ ।

सामाजिक सञ्जालमा प्रधानमन्त्री केपी ओलीलगायत सरकारी पदाधिकारीलाई गाली गरेको आरोपमा प्रहरीले हिजो साँझ उपाध्यायलाई पक्राउ गरेको थियो ।

साइबर अपराध सम्बन्धी आरोपमा पक्राउ गरिएका पूर्व सचिव उपाध्याय लामा समयदेखिे सामाजिक सञ्जालमार्फत जनचेतना फैलाउने अभियानमा सक्रिय छन् । प्रधानमन्त्री ओली आफ्नो आलोचना गर्ने कसैलाई पनि सहन नसक्ने नेताका रुपमा चिनिन्छन् ।