देशभर आंशिक बदली

१२ बैशाख काठमाडौं । जल तथा मौसम पूर्वानुमान महाशाखाका अनुसार देशका मध्य र पूर्वी भूभागमा शुक्रबार मौसममा सामान्य देखि पूर्ण बदली रही बाँकी भूभागमा आंशिक देखि सामान्य बदली रहने छ ।

मौसम पूर्वानुमानका अनुसार हाल देशमा पश्चिमि वायू र स्थानीय वायुको प्रभावका साथै बंगालको खाडि वाट समेत जलवाष्फ युक्त हावा नेपाल भित्रिएको छ। यसकै प्रभावले देशभर आंशिक बदली रहेको छ।

मध्य र पूर्वी भूभागका धेरै स्थानहरुमा र पश्चिमी भूभागका थोरै स्थानहरूमा मेघगर्जन, चट्याङ्ग, असिना र हावाहुरी सहित वर्षाको सम्भावना रहेको मौसमविदले बताएका छन् ।

देशभर शुक्रबार रातिपनि आंशिक देखि सामान्य बदली रही पूर्वी भूभागका थोरै स्थानमा र पश्चिमि भूभागका एक दुई स्थानमा मेघगर्जन, चट्याङ्गसहित वर्षाको सम्भावना रहेको महाशाखाले जनाएको छ।

आगामी तीन दिनको मौसम पूर्वानुमान :

बैशाख १२ गते (शुक्रबार)

दिउँसोः   देशका मध्य र पूर्वी भू-भागमा सामान्यदेखि पूर्ण बदली रही बाँकी भू-भागमा आंशिक देखि सामान्य बदली रहने छ। मध्य र पूर्वी भू-भागका धेरै स्थानहरुमा र पश्चिमी भू-भागका थोरै स्थानहरूमा  मेघगर्जन/चट्याङ्ग /असिना  र हावाहुरीसहित वर्षाको सम्भावना रहेको छ।

 रातीः  देशभर आंशिकदेखि सामान्य  बदली  रहि  मध्य र पूर्वी भूभागका थोरै स्थानमा  र पश्चिमि भू-भागका एक दुई स्थानमा मेघगर्जन/चट्याङ्गसहित वर्षाको सम्भावना रहेको छ।

बैशाख १३ गते (शनीबार)

दिउँसोः  देशभर आंशिकदेखि सामान्य  बदली रहने छ। देशका पश्चिमका भू-भागका थोरै स्थानहरुमा साथै मध्य र  पुर्वी भू-भागका केहि स्थानहरुमा अपरान्ह पछि मेघगर्जन/ चट्याङ्ग / असिना र हावाहुरीसहित वर्षाको सम्भावना रहेको छ।

रातीः  देशभर आंशिकदेखि सामान्य  बदली  रहि पश्चिमी पहाडी भूभागका एक दुइ स्थानमा र मध्य र पूर्वी भु-भागका थोरै  स्थानहरुमा  मेघगर्जन/ चट्याङ्ग / असिना र हावाहुरीसहित वर्षाको सम्भावना रहेको छ।

 बैशाख १४ गते (आईतबार)

दिउँसोः देशभर आंशिकदेखि सामान्य बदली रहने छ। देशभर केहि स्थानहरुमा अपरान्ह पछि मेघगर्जन/ चट्याङ्ग / असिना र हावाहुरीसहित वर्षाको सम्भावना रहेको छ।

रातीः  देशभर आंशिक देखि सामान्य  बदली  रहनेछ। पश्चिमी र मध्य भूभागका केहि स्थानहरुमा र पूर्वी भु-भागका थोरै  स्थानहरुमा  मेघगर्जन/ चट्याङ्ग / असिना र हावाहुरीसहित वर्षाको सम्भावना रहेको छ।

आगामी २४ घण्टाका लागि चेतावनी तथा परामर्श  

मध्य र पूर्वी भू-भागका धेरै स्थानहरुमा र पश्चिमी भू-भागका थोरै स्थानहरूमा  मेघगर्जन/चट्याङ्ग /असिना  र हावाहुरी सहित वर्षाको सम्भावना देखिएकोले आवश्यक सतर्कता अपनाउन हुन अनुरोध छ |