अध्यादेश फिर्ताको माग गर्दै नेविसंघको प्रर्दशन

१२ बैशाख काठमाडौं । सरकारले केही दिन अगाडि जारी गरेको अध्यादेश फिर्ताको माग गर्दै नेविसंघले प्रर्दशन गरेको छ । संबैधानिक परिषद् र राजनीतिक दल सम्बन्धी दुबै असंबैधानिक, अराजनीतिक, असंवेदनशिल तथा सनक र सत्ता राजनीतिको अत्यन्तै घृणित खेल भएको भन्दै आन्दोलन सुरू गरेको नेविसंघका महामन्त्री बलदेव तिमिल्सिनाले जानकारी दिए ।

काठमाडौंको महाराजगन्ज, नारायण गोपाल चोकमा महामन्त्री तिमिल्सिनाको नेतृत्वमा पुर्व केन्द्रीय सदस्य रत्नहरी ढुंगेल, नेविसंघका विद्यार्थी नेताहरू रमेश वस्ताकोटी, नारायण हमाल, धर्म फुलारा,दिपक ओझा लगाए आन्दोलनमा सहभागी छन । नेविसंघले काठमाडौं उपत्यका सहित देशभर प्रदर्शन सुरू गरेको नेविसंघका महामन्त्री तिमल्सिनाले बताए ।