प्रदेश सांसद् कोषको रकम बालुवामा पानी, जथाभावी बाटोले किसानको गास खोसियो

१२ बैशाख स्याङ्जा । जील्लाको भीरकोट नगरपालिका–८ अन्तर्गत ढापुक फेदिदेखि सालिकोश गाउँ जोड्ने करिव ३ किलोमिटर ग्रामीण कृषि सडकविस्तार गर्दा चरम लापरवाहीभएको पाइएको छ ।

विशेषगरि कृषिउपकरण ओसापसारका लागिनिर्मित उक्त सडक अहिले हाइव्वे बनाइएको छ । तर, सो सडकको सुरुदेखि अन्त्यसम्मकरिव १ सयजनाभन्दा बढि किसानहरुको खतियोग्यजमिन छ । एउटै गाउँका स्थानीयको सुविधाको लागि सडक विस्तार गर्दा किसानले सिँचाइकालागिप्रयोग गर्ने सयौंं कुलामासिएका छन् । तर, उक्त सडक आफुहरुसँग कुनै सहकार्य नभई विस्तार गरिएको भीरकोट नगरपालिकाका मेयर छायरामखनाल बताउँछन् ।

नेपाल बहससँग कुरा गर्दै उनले भने ‘उनीहरुले प्रदेश सांसद मोहन रेग्मीको कोषको बजेटले सडक विस्तार गरेका हुन् । यसमाहाम्रो कुनै हात छैन् ।’ यसरी बिनाकुनै योजना बाटो खन्दाआफुहरु मारमा परेको स्थानीयकिसान ढिल्लीराम रेग्मीले बताए । उनले भने‘अब बर्खालागिसक्यो । रोपाई गर्ने बेला पनि आउन लाग्यो । कुला सबै बाटोले खाइसक्यो । हामीले धानको बीउ समेत राख्नपाएका छैनौं ।’ यस्तै अन्यथुप्रै विकल्पहुँदाहुँदै पनि सयौं किसानको गास खोसेर सडक विस्तार गर्न कुनै जरुरी नरहेको स्थानीय ठाकुरप्रसाद रेग्मी बताउछन् ।

उनि भन्छन् ‘सडक विस्तार गर्ने अन्यथुप्रै विकल्पहरु छन् । ५० जना घरका जनताका लागि सयौं किसानको खेतियोग्यजमिन त मास्ने कामगर्न भएननी ।’ यता सडक विस्तार गरेका उपभोक्ताहरुले भने प्रदेश स्तरबाटै बजेट परेकाले अन्यकुनै निकायसँग छलफल गर्न नपरेको बताएका छन् । सोही सडक उभोक्ता समितिका एक सदस्यले भने, हामीलाई सांसद मोहन रेग्मीले बजेट पारिदिनुभएको हो ।

हामीले जसरी बाटो खनेपनिअरुलाई के मतलब ।’ तर, सोहीनगरका थुप्रै सरोकारवालाहरुले उक्त सांसद कोषको बजेट बालुवामा पानी खन्याइएको संज्ञा दिएका दिएका छन् । उनिहरु भन्छन् ‘चुनावमा भोटमाग्दा गरेको बाचा पुरा गरे । तर सयौं स्थानीयको गास खोसियो ।’ बयरघारीबजारबाट ५, ६ किलोमिटर भित्र ग्रामीण कृषि सडकका नाममापरिचितउक्त सडकमा भने विरलै सवारी गुड्छन् । तर सडक सिद्धार्थ राजमार्ग भन्दाचौडा बनाइएको छ । यसकारण किसानहरुले यसको घोर विरोध गरेका छन् ।