बलिउड अभिनेता इरफान खानको निधन

१७ बैशाख एजेन्सी । बलिउड अभिनेता इरफान खानको ५४ वर्षको उमेरमा निधन भएको छ। उनको स्वास्थ्यमा गम्भीर समस्या आएपछि मंगलबार उनी मुम्बईस्थित कोकिलाबेन अस्पतालको आइसियुमा भर्ना भएका थिए। उनी सोही अस्पतालमा अन्तिम सास लिएको भारतीय सञ्चारमाध्यमहरुले उल्लेख गरेका छन्।

उनको निधनबारे बलिउड निर्देशक सुजित सरकारले पुष्टि गरेका छन्। इरफान खान विगत दुई वर्षदेखि विरामी रहेका थिए। उनी एक वर्ष लन्डरमा बसेर क्यान्सरको उपचारसमेत गरेका थिए।