ओली सरकार भ्रष्टाचारी : कांग्रेस वरिष्ठ नेता रामचन्द्र पौडेल

१७ बैशाख, काठमाडौं । नेपाली कांग्रेसका वरिष्ठ नेता रामचन्द्र पौडेलले नेकपा अध्यक्ष केपी ओली नेतृत्वको सरकारले देशमा अस्थिरता, अराजकता र भाँडभैलो मच्चाउने काम गरेको भन्दै चर्काे आलोचना गरेका छन् ।

पार्टी केन्द्रीय कार्यालय सानेपामा आज बसेको केन्द्रीय कार्यसमिति बैठकमा लिखित भाषण गर्दै वरिष्ठ नेता पौडेलले सिंगो देश कोरोना भाइरसबाट आक्रान्त रहँदा प्रधानमन्त्री ओली भने सबै शक्ति आपूmमा केन्द्रित गर्न उद्यत् रहेको आरोप लगाएका हुन् ।

राज्यसत्ता कब्जा गर्ने नियत र विपक्षीलाई तोडमोड गरेर हैकम लाद्ने उद्देश्यले ल्याइएका विधेयक गलत थिए भन्दै वरिष्ठ नेता पौडेलले यति लामो लकडाउन गर्दासमेत किसान र मजदूरका लागि राहत कार्यक्रम नल्याएकोमा ओलीको आलोचना गरेका छन् ।

ओली सरकार बेइमान, बेकम्मा, भ्रष्टाचारी, स्वेच्छाचारी र नागरिकप्रति संवेदनहीन भएकोले ओलीबाट मुलुकमा सुशासन स्थापना हुन नसक्ने ठोकुवा गरे । प्रधानमन्त्रीको संरक्षणमा सांसद अपहरण जस्ता जघन्य अपराध भएको प्रसंग उल्लेख गर्दै पीडितले न्याय पाउन प्रहरी र सरकारी वकिलकहाँ जाँदा नपाउने अवस्थाको निन्दा गरेका छन् ।

अहिलेको विषम परिस्थितिमा नेपाली कांग्रेस मात्र जिम्मेवार बन्न सक्ने भन्दै सरकारको खबरदारी गर्दै जनताको उद्धार र राहतमा खटिन नेता कार्यकर्तालाई आह्वान गरेका छन् ।