नेकपाको सचिवालय बैठक निष्कर्षबिहीन !

१७ बैशाख काठमाडौं । सत्तारुढ नेपाल कम्युनिष्ट पार्टी ‘नेकपा’को सचिवालय बैठक तीन घन्टा लामो छलफलपछि वैशाख २० गते फेरि सचिवालय बैठक बस्ने सहमतिका साथ टुंगिएको छ।

प्रधानमन्त्री निवास बालुवाटारमा जारी बैठकमा पार्टी एकतालाई सुदृढीकरण गर्ने र सरकारलाई मजबुत पार्ने विषयमा छलफल भएको पार्टी प्रवक्ता नारायणकाजी श्रेष्ठले जानकारी दिए।

बैठकले स्थायी कमिटीको बैठक बस्ने बिषयमा छलफल गर्दै पुनः सचिवालय बैठक बस्ने सहमति गरेको हो। यो बीच नेतृत्व टिमले अनौपचारिक गृहकार्य गर्नुपर्ने पनि बैठकमा सहमति गरेको छ। यसबीच केही प्रस्ताव ल्याउनेबारे पनि बैठकमा सहमति भएको प्रवक्ता श्रेष्ठले जानकारी दिए।