कांग्रेस वरिष्ठ नेता पौडेल जापान सरकारको उत्कृष्ट अवार्डबाट विभुषित

१८ वैशाख, काठमाडौं । नेपाली कांग्रेसका वरिष्ठ नेता रामचन्द्र पौडेल ‘ग्राण्ड कार्डन अफ दि अर्डर अफ दि राईजिङ सन अवार्ड’ बाट सम्मानित भएका छन् । जापान सरकारले विश्वका चर्चित व्यक्तित्वहरुलाई हरेक बर्ष प्रदान गर्ने सो अवार्ड यस वर्ष वरिष्ठ नेता पौडेललाई दिने निर्णय गरेको हो ।

जापानस्थित नेपाली दूतावासले बिहीबार एक विज्ञप्ति जारी गरी जापान सरकारले यो वर्षको सो अवार्ड पूर्व सभामुख समेत रहेका पौडेललाई दिने निर्णय गरेको जनाएको छ । नेपाल–जापानबीचको सम्बन्ध विस्तारमा महत्वपूर्ण भूमिका निर्वाह गरेबापत यस्तो विभूषण प्रदान गर्ने निर्णय गरेको दूतावासको विज्ञप्तिमा उल्लेख छ ।

पौडेलले सभामुख भएको बेलामा जापान-नेपाल फ्रेन्डशिप पार्लियामेन्टेरियन कमिटी गठन गरेर सांसदहरूका बीचमा अनुभव साटासाट गर्न भूमिका खेलेकाले उनलाई सो अवार्ड अवार्ड प्रदान गरेको दूतावासको विज्ञप्तिमा उल्लेख छ ।