रोल्पामा बम विस्फोट, चार बालबालिकाको मृत्यु

१८ बैशाख रोल्पा । रोल्पाको त्रिवेणी गाउँपालिकामा पुरानो बम हो भन्ने थाहा नपाएर खेलाउने क्रममा विस्फोट हुँदा चार जना बालबालिकाको ज्यान गएको छ ।

त्रिवेणी गाउँपालिकाको वडा नम्बर ७ गैरीगाउँमा बिहीबार साँझ साढे ६ बजे बम विस्फोट हुँदा चार बालबालिकाको ज्यान गएको रोल्पा प्रहरीले जनाएको छ ।

बालबालिका घरनजिकै खेलिरहेको बेला विस्फोट भएको हो। अहिले घटनास्थलमा नेपाली सेना, नेपाल प्रहरीको टोली पुगेको छ ।